陳曉華（Hera）入行 7年，演技由早期負評到近年獲讚提升，憑兩套台慶劇《金式森林》及《新聞女王2》分別提名「萬千星輝頒獎禮2025」的「最佳女主角」及「最佳女配角」。誓要擺脫花瓶形象的Hera說： 「就算做花瓶，都要做一個有實力嘅花瓶。」Hera期望自己變成一個更好的人，表示有機會都想一直演到老。
●採訪：香港文匯報
記者 梁靜儀
2018年參選港姐入行的Hera，入行以來曾參演多齣劇集，由處女作《迷網》演技被彈，至近日播出的兩套台慶劇《金式森林》及《新聞女王2》，獲讚演技提升，與此同時兩套劇亦分別令她有份提名「萬千星輝頒獎禮2025」的「最佳女主角」及「最佳女配角」。面對佘詩曼與宣萱等多位視后級對手，Hera直言沒有信心得獎，能參與十強最佳女主角候選人海報拍攝已感滿足。
近日曝光率超高的Hera，有份演出的《金式森林》及《新聞女王2》緊連播映，她在前者飾演深情且黑化的豪門媳婦林澄，與郭晉安（飾方仰天）展開一段忘年戀；而後者就飾演網紅唐芷瑤，兩套劇的角色截然不同，觀眾的反應亦讚多於彈。
對於同視帝郭晉安合作，Hera形容心情既開心又緊張，擔心演忘年戀拿捏得唔好，因現實中從未戀上比自己年長很多的異性。她笑言開拍初期曾聽過 「女主角點解會搵佢嘅？ 」「佢同安哥唔襯喎？ 」等質疑聲。 Hera卻將這份壓力化為動力，把取悅觀眾的心態投入角色中。現實中她可曾遇上有阻力的戀愛？Hera笑稱過往戀情僅因「不合適」而遭朋友反對，並強調是入行前的事。
無懼晚婚盼與伴侶共成長
Hera指這七年期間演過很多角色，從中令她對愛情的想法亦有所改變：「𠵱家知道自己想要咩，唔會責怪人哋唔好，所有嘢都係自己嘅選擇，如果相處夾唔來就唔好浪費時間，𠵱家會將時間留畀自己珍惜、互相了解嘅關係上。」問到同緋聞男友朱敏瀚的關係是否就如她口中的狀況？Hera耍太極說： 「目前最緊要的是做好工作先，因為有太多工作上嘅事需要改善，亦都希望搵到一個可同自己一齊努力嘅同伴，係一件好幸福嘅事。（搵到呢個同伴未？ ）𠵱家搵到好多呢啲人。」拍過幾次拖的Hera，現時對緣分會選擇隨遇而安，若選擇了就會克服阻力勇往直前，否則就會安靜地走開，相信總會遇到對的人。
近年與朱敏瀚傳出緋聞的Hera，由於二人正在上位中，有指小情侶被公司棒打鴛鴦，不過對二人的感情並未造成影響，繼曾傳出閃婚及被指於港島區築愛巢後，更被拍到拍拖去睇演唱會，不過二人依然否認拍拖。踏入30 歲的Hera聲稱暫未有結婚計劃，認為結婚一生人只得一次，應慎重決定，亦不怕遲婚會做高齡產婦，寧願遲好過將來後悔。
已備妥金器憧憬盛大婚禮
雖未有意結婚，但Hera已開始憧憬將來結婚的婚紗款色：「可能會揀非傳統顏色的婚紗，例如黑色或紅色，但一定會穿着中式裙褂，因之前拍戲時着過，覺得很靚，所以決定趁金價回落便買定金器做嫁妝，婚禮要盛大，邀請所有朋友及重要嘅人出席。（若另一半想低調點算？）冇可能。（因另一半係圈中人？ ）冇可能意思係相信將來個老公會尊重我嘅決定。」
感情上Hera選擇隨緣，但工作上Hera不諱言都會有好勝一面： 「就如初入行時好多comment（評論）都話我有公主病好懶散，我就會好想證明畀你睇我唔係『公主』，我由細到大都唔係俾人照顧嘅『公主』，所有嘢都係我自己處理，反而係我啲朋友認為我應該被公主般對待。」
認競爭對手只有自己
外表柔弱的Hera，內心其實很強大，期望自己變成一個更好的人，在演戲過程中令她療癒了很多，由一個悲觀的小女孩，變成一個小太陽，希望可以照耀到更多人，目前這個狀態，正是她追求的。她都好奇再演多五年、七年戲，自己會變成怎樣的人： 「會唔會變成安哥定變成阿佘咁呢？ （安哥演到60歲？ ）有機會都想一直演到老，演戲都是一個學習，教識她很多人生道理。
對於被公司選為「六大耀眼新星」，其他五位新星還有郭柏妍、戴祖儀、周嘉洛、張馳豪及阮浩棕，不過Hera認為無一個是其競爭對手：「唯一競爭對手就係自己，如果自己唔好，下一個機會就會係人哋。」早年曾被指是花瓶的Hera，笑言： 「就算做花瓶，都要做一個有實力嘅花瓶。」
攝影 ： 達里 ／ 服裝： Harvey Nichols ／ 化妝： Yanki ／ 髮型： Oscar @HoLA il colpo Hair & Pets ／ 場地： The Luxe Manor
0
已點過讚
0 / 255