赴加國拍電影忙不停 薛家燕笑言進軍荷里活

香港文匯報訊（記者 子棠）薛家燕（家燕姐）前日出席工展會「家燕媽媽冬至溫暖廚藝示範兼新品優惠推介」戶外烹飪活動，並親自下廚推介新款廚具，大讚外形與功能兼備：「真係好簡單，一撳就拆到，慳返唔使洗多隻碟。」她透露早前赴加拿大拍電影時亦帶上這套廚具，「我個女特意叫我帶，佢哋鍾意自己煮嘢食。」活動上家燕姐與觀眾互動問答兼大派禮物，氣氛熱烈。

家燕姐表示早前先後到加拿大及馬來西亞工作：「走咗成兩個幾月，不過有工作我就精神，真係連Jet Lag都冇。」她透露赴加國拍電影版《Rags 2 Richmond（選美兄弟班）》，今次由微短劇搬上大銀幕，首次與外國導演合作，需應對中英夾雜對白與唱跳場面，頗具挑戰，「我真係學到好多嘢，好在有煲湯水滋潤一下，keep 住個靚樣。」家燕姐更笑言此作可算是進軍荷里活之作。「我都好期待快啲可以畀大家睇到這套戲。」至於馬來西亞之行則為新年歌拍攝MV，家燕姐說：「今年個歌名玩諧音，拍MV嗰陣，跳咗成二十幾次。」

問到冬至有何安排？家燕姐表示會一家人聚餐，大讚新抱有幫廚令她輕鬆不少。女兒石祐珊仍在加拿大工作，聖誕後計劃全家同遊上海，放吓假又陪吓孫。對於會否減少工作，她笑言曾打算蛇年減產，奈何客戶爭相邀約未能實現，「我都好享受，一做嘢就醒神㗎啦。所以𠵱家唔諗減量啦，安排到就做。」