馮德倫稱生育大計舒淇話事

香港文匯報訊（記者 梁靜儀）馮德倫今日（23日）到灣仔出席卡牌活動，他指平日都會玩卡game，小時候也有儲籃球卡，但大多都沒升值潛力，長大後也有存動漫卡，因收藏不佔空間，太太舒淇從無意見。他透露稍後將有很多關於動漫的工作，而且會關於很多方面，希望大家到時候支持。

談到舒淇早前為宣傳電影《女孩》接受鄭裕玲訪問，提到曾為備孕停工一年卻未果，馮德倫坦言剛回港未看訪問，也是從同事口中得知，問到現在有何打算？他說：「我都唔會有咩問題，我覺得有細路，雖然𠵱家個世界甚亂，好多人覺得唔好生，但如果個個都係咁諗，人類會滅亡。我覺得應該出分力。（舒淇話考慮領養，你接唔接受？）點會唔接受？（有冇傾過呢個話題？）唔需要同我傾，所有嘢都係佢話事㗎，佢講就得㗎喇。」至於是否繼續「造人」，他巧妙轉移話題，表示「領養唔使太努力」。

對於早前去捧太太執導的《女孩》場，馮德倫大讚太太首次做導演非常成熟，讚她作為「演員導演」懂得激發演員情緒，尤其擅長指導新演員與小朋友。提到舒淇曾表示被老公質疑過能力，馮德倫即否認說：「冇，一定冇，冇質疑，邊有？當初我問劇本點解咁薄又冇對白，呢個係咪完整劇本？佢話藝術片呢啲我睇唔明，我點會質疑佢。」對於票房方面似未如預期，馮德倫指這種文藝兼藝術片在國際獲獎已是成功，不必強求票房，「呢個世界冇話所有嘢你都能贏晒。」