陳健安明年1.10西九舉行戶外演唱會

香港文匯報訊（記者 子棠）陳健安（安仔）將於明年1月10日假西九文化區竹翠公園舉行《陳健安時的狀態演唱會2026》，首次舉行個人戶外演唱會的他笑言會變成「E人」，讓觀眾盡興。

拍攝海報當天，安仔穿上大地色的西裝，在舖了沙粒的「沙漏」場景，意寓他就是「沙漏」裏的沙（時間）。安仔說：「今次演唱會叫『時的狀態』，我會喺演唱會中控制大家嘅時間。大家忘記晒所有嘢，跟住我嘅節奏、我嘅音樂，忘記各自嘅身份，唔係老闆、唔係員工、唔係媽咪、唔係男朋友、唔係女朋友⋯⋯乜都唔係，全部都係我嘅族人。一齊嚟到我嘅party，放低所有時間、年齡，等我帶領大家一齊享受整個音樂旅程。」他又指非常期待與觀眾享受由黃昏到日落的音樂世界：「我好開心，感覺好正，可以望住個天，由日光睇住日落唱到天黑，同大自然緊扣，我自己好鍾意睇festival（音樂節），我都想今次演唱會似festival ，好繽紛，有好多互動環節。做outdoor嘅騷，我個人都會outgoing啲，會『E』啲！」