陳可辛西班牙獲頒「卓越榮譽大獎」

香港文匯報訊（記者 阿祖）著名導演陳可辛（Peter）日前出席於西班牙舉行的第58屆錫切斯國際奇幻電影節，除了擔任本屆影展的評審，更獲頒「卓越榮譽大獎」，以表彰他多年在影壇的傑出貢獻。除了Peter外，今屆同場的更有執導《妙想天開》、《十二猴子》的英國名導Terry Gilliam、《小魔怪》系列的美國導演Joe Dante及《浮花》康城影后Carmen Maura獲頒授此榮譽獎項。

頒獎禮當晚，Peter從影展主席Ángel Sala手中接過獎項，Peter致謝辭時以西班牙語感謝影展頒授這個「卓越榮譽大獎」給他：「拎到呢個獎，其實要還返呢個獎畀影展，因為我喺呢班年輕導演、新導演、處女作導演身上學到好多嘢。而我覺得自己需要保持心境年輕、保持求知若渴、保持謙遜，喺電影語言上保持創新。我要多謝你哋所有人。」而擔任評審的Peter對於自己在7日內看了35部電影，感到能了解更多現今新生代導演的想法。

吳君如專程飛西班牙，陪Peter攞獎共享殊榮，君如憶起23年前兩人同遊西班牙往事，且分享Peter當年在天體海灘的艷史說：「Peter 21歲嚟拍戲嗰陣 ，就第一次嚟錫切斯著名嘅西班牙天體海灘，有幾個女仔喺佢面前同佢傾偈，佢話佢隻眼都唔知望邊度好！喺2002年，佢話要帶我返去一次大開眼界，當時我都感覺好自由奔放。咁然後今次再返嚟呢就發覺啲後生嗰個就着晒泳衣。天體嗰啲呢，仲老過我同Peter，可能仍然係40年前嗰幾個女仔！」