（有片）鄧炳強愛心爆棚同食十黃月餅送燈籠 小學生笑語歡聲

香港文匯報訊 中秋節是家人團圓朋友歡聚的好日子，而最最最開心的當然有燈籠玩，又有月餅食啦，想像下有十黃大月餅食就更加超級開心。（小編都未食過呀！）一班八鄉中心小學的小學生就好有口福。保安局局長鄧炳強今日（6日）於其fb及ig發帖及影片，指每年中秋，都會去元朗燈籠街買燈籠，再去老字號餅店買十黃月餅。今年就特別帶上燈籠同月餅去八鄉中心小學，同一班小學生食自己至愛的十黃月餅，一齊掛燈籠佈置學校樹屋。

鄧炳強愛心爆棚，他指，雖然年年都食十黃月餅，但今年同一班小豆丁分享這個「中秋蛋糕」，叫豆丁估下如蛋糕般大的月餅有幾多個黃，「一個、兩個......五個.....」。

他指，驚嘆聲笑聲滿載，童真洋溢，別有一番甜味，「中秋節係團圓嘅節日，亦係傳承嘅時刻，願大家都可以同摯愛共度佳節，好似孩童咁純真快樂，月圓人圓心更圓。」