香港文匯報訊（記者 阿祖）由張衛健（Dicky）、許志安、蘇永康（阿公）和梁漢文（Edmond）組成的BIG FOUR將於8月9日至11日一連三場紅館開唱，並推出新歌《赤子們》，邀得金像獎最佳剪接李謙明擔任MV導演。

MV中四子以包揼方式分成兩隊大玩足球機，Dicky和安仔大戰阿公與Edmond。Dicky更搞笑舉起足球機喊「三十六計，搬為上計」。比賽過後，足球機零件散落一地，場面搞笑。阿公與Edmond最終以15：8獲勝，阿公更獲封「神射手」。他指着Edmond假裝生氣說：「呢個衰公最初Part到我時嗌『哎吔』，即係諗住Part到許志安就贏30：8？」Edmond笑言：「點都好，最唔想Part到你囉，但估唔到你係呢場波嘅『神射手』，入得最多係你。」

BIG FOUR抽籤決定拍攝對嘴唱歌部分的先後次序，抽中首位的阿公遭兄弟們故意大聲朗讀歌詞干擾，令他哭笑不得。鏡頭外同樣鬧翻天：安仔等埋位時除去西裝外套唞涼被阿公偷拍，阿公與Dicky和安仔三人還聯手「突襲」Edmond，現場笑聲不斷。安仔粉絲更貼心準備應援餐點，慰勞工作團隊。

四人也重提上世紀九十年代在TVB古裝街的荒唐往事。Dicky大爆當年在清水灣電視城「大鬧」古裝街一事，「我哋夜晚夜闖《上海灘》教堂景玩『槍戰』，有人興奮射爆玻璃，驚動高層曾勵珍要求賠償。」安仔笑說：「成條古裝街地下都係BB彈。」Edmond補充保安抓人時，Dicky竟躲進車底，笑稱「太多好笑嘢」。

被問到「最不想BIG FOUR一起做的活動」，安仔直言抗拒四人拍貼紙相，阿公卻揭穿BIG FOUR曾於日本影貼紙相，但張相就冇咗啦。