唱547字劇集主題曲 羅啟豪練唱有一手

香港文匯報訊（記者 子棠）羅啟豪日前在「2025認證頒授典禮暨產品安全嘉年華」活動中，首次現場演唱古裝懸疑劇《清明上河圖密碼》的港版主題曲《有天做證》，更公開獨門練唱絕招。啟豪表示收到這首歌後即時在家中練歌：「作為I人，自己慣咗一個人匿喺屋企坐喺度對住電腦唱歌，所以都係坐喺度練，點知去到錄音室企喺度錄，反而初初唱唔到，呢段時間為咗預備今次首次現場演繹，即刻喺屋企要記得企喺度練！另外有網民幫我計過呢首歌有547個字，連埋要記歌詞，今日畀自己85分，算過到關，好開心！」

演出不斷的啟豪今晚參與特備音樂節目《中年好聲音321經典大戰》，並與譚輝智及李金凱合唱《一首歌一個故事》，網上已流出預告片段，不但獲評審一致好評，網民亦反應非常熱烈，三人獲封為「完美靚聲」，啟豪亦被讚極具台型，跟兩位師弟火花四濺。啟豪笑言：「今次同輝智、金凱合作非常愉快，我都好期待收睇節目，渴望觀眾會鍾意！」