香港文匯報訊（記者 子棠）今日是黃淑蔓（Feanna）24歲生日，日前她親自到粉絲應援咖啡店打卡，又到商場影貼紙相，每一個細節位都盡顯粉絲對Feanna的了解和疼愛，令她非常感動，大家玩得非常開心。提到今年的生日願望，Feanna坦言過去連續兩年都是「瘦身成功」，經過她的努力終於如願，笑言今年生日願望有「更新版」，並盼望推出10周年紀念作。
Feanna當日推門進入生日應援的咖啡店，看到漫畫版的自己和喜愛的Chiikawa動漫角色「飛鼠」，以及心形靚相牆，已忍不住大叫：「好靚呀！」收到粉絲送上花束和禮物更令她愛不釋手；其間一位客人入店買咖啡就是為了她的生日應援禮物，想不到回頭見到本尊立即驚喜到呆了，笑言比中大獎更開心。Feanna說：「粉絲做咁多布置和應援物係好複雜，要花好多心機、時間和愛，我真係好感動。至於生日願望最重要係身體健康、工作順利、做到自己鍾意嘅事、日日開心。去年、同埋去年嘅生日願望都係瘦身成功，今年有少少成績啦，但我唔會鬆懈，繼續努力！」
現場擺放她第一張個人專輯《Feanna 17+》，她戴上耳機回味一番並笑說：「呢張唱片係我18歲生日嘅時候推出，今年我出道10周年，好想推出一個作品送畀呢10年嘅自己，同埋我一直有個心願舉行開個人音樂會。」對於新歌《未至於》推出後，Feanna與不少歌手朋友在IG聯乘合唱版：「呢10年裏識咗好多圈中朋友，我好鍾意搵佢哋傾偈，亦好想同大家collab（合作），所以就膽粗粗廣發邀請。好開心好多朋友願意幫我，同我一齊唱，好感動。我同每一位合唱嘅時候再傾多咗偈，更多bonding（緊密關係），多謝大家嘅幫助和愛。」
稍後Feanna跟鄭伊健到美國和加拿大為「Here & Now 2025 EKIN IN CONCERT鄭伊健演唱會」 巡唱演出，她興奮表示將首次踏足加拿大，好期待：「我咁大個女第一次去美國，就係前年跟伊健哥哥演出，好耐冇坐長途飛機，好期待。我會帶遊戲機去同伊健哥哥玩，不過佢一定都會帶遊戲機同埋好多嘢去玩。」
0
已點過讚
0 / 255