蘇韻姿阮偉倫《港式流行2》今日首播 上山下海發掘香港秘境

香港文匯報訊（記者 子棠）蘇韻姿（Andrea）與阮偉倫（阿倫）合作的HOY TV節目《港式流行2》於今日（12）首播。新一季節目中，二人繼續走訪香港不同的景點，包括深夜美食車、秘境酒吧、懷舊唐樓、城市綠洲等；還相當有默契的不約而同建議大家多些留港，會發現更多值得發掘的地方。

阿倫稱讚節目內容說：「上一季我哋係咁食，今季多咗好多玩得嘅舖頭，內容更勁！我哋仲要上山下海，就算個天氣幾好都好我哋都係照做，所以建議大家除咗喺香港搵食之外，仲可以搵好多其他嘢玩嘅，希望大家除咗去日本、韓國外，都可以發掘吓香港值得去玩嘅地方。」Andrea亦點頭認同：「我哋做咗好多唔同嘅運動。我覺得要支持返香港本地嘅嘢，都係香港製作。」

拍攝節目期間湊巧撞正Andrea生日，阿倫趁節目空檔捧上大蛋糕兼唱歌，為壽星女炮製驚喜，還搞笑的因「內功太勁」令蠟燭未吹已熄，壽星女笑個不停說：「我都未試過人哋幫我吹熄枝蠟燭，估唔到你嘅內功咁犀利。」講到生日願望，壽星女表示希望《港式流行》長做長有。此外，阿倫擔正的新一輯《一個人鐵道行》亦已推出，今次會帶大家遊西藏，仲繼續玩變裝；由於節目好評不斷，未播完已計劃下一個旅程，更為新旅程專程去學潛水添﹗