香港文匯報訊（記者 阿祖、子棠、梁靜儀）回望2024年，世界局勢如波譎雲詭的畫卷，動盪不安的陰霾籠罩全球。戰爭的硝煙在多地升起，災難的陰影頻繁掠過，將寧靜的家園撕裂成碎片。無數難民流離失所，在風雨中飄搖，牽動着全世界人們的心弦，也讓我們更加深刻地意識到世界和平的珍貴。許冠文、任達華、劉青雲、甄子丹、袁詠儀與張智霖夫婦、林夏薇、楊茜堯、吳卓羲等一眾港星齊賀新年，祈願世界和平，希望世界各國能夠摒棄偏見與仇恨，以對話與合作代替衝突與對抗，減少戰亂紛爭多些愛，讓愛與希望的光芒照亮人類前行的道路，共同守護這片藍天下的安寧與繁榮。

一元復始，旭日始旦，愿爾禎祥，歲歲如常。盼山河無恙，等煙火尋常，新年伊始，愿陽光滿路，常樂長安。今年憑藉《破．地獄》和《誤判》收穫頗豐的許冠文祝2025年大家新年快樂、身體健康，喺2025年大家所接觸嘅嘢都破晒紀錄，世界和平，最緊要嘅係身體健康。

甄子丹冀和平共處多啲愛

甄子丹自導自演的港片《誤判》成績驕人，新歲伊始，子丹祝大家嚟緊一年身體健康、家庭幸福，都可以搵多啲錢，不過最重要嘅係世界和平，因我哋身邊太多負面事情發生，希望大家都可以和平共處，多啲愛。吳卓羲祝大家新年快樂、身體健康、心想事成、出入平安，最希望世界和平。

華哥青雲望息紛爭還太平

任達華（華哥）向來愛攝影，亦是個旅行家，他喜歡周遊列國，全球不少國家都有過其足跡，他會在鏡頭下拍出對世界不同人與事物的角度與觀感。華哥更是一位愛好和平的使者，看到世界現在戰亂頻生，災民流離失所，他都希望大家能夠平息紛爭，人人共融。所以踏入2025年，新一年他最大的心願就是希望世界和平，個人方面他覺得最重要的是身體健康，有健康的身體，也才有體魄去四處遊歷，放眼世界看更美好的事物！

劉青雲與太太郭譪明雖然同是藝人，但二人婚後生活也很低調，從來不問世事，不過「熱心市民劉先生」其實都很關心時事以及世界大事，踏入元旦，他的願望是：「我2025年嘅新年願望係希望世界可以稍為和平啲啦，你話要完全和平就有啲『抆』，希望稍為和平啲啦，我亦都希望香港電影能贏返觀眾多啲嘅信心！」

張智霖袁詠儀祈願日日歡欣

袁詠儀（靚靚）與張智霖（Chilam）兩公婆結婚多年，都非常之恩愛，但間中又愛鬥鬥嘴耍花槍，踏入2025年，每個人都想在新一年達成一些願望，Chilam與靚靚先恭祝大家新年快樂，Chilam即開口問身旁的靚靚：「你今年有咩新年願望？」靚靚即反問：「真係講咩都得？」Chilam笑答：「你鍾意啦！」靚靚即乘機裝在思考說：「我希望今年可以收……多啲包包！」Chilam隨即點頭認同，靚靚就問他：「咁你呢，你今年嘅新年願望係咩呀？」Chilam諗都冇諗就話：「我嘅新年願望真係講咩都得？」靚靚合十雙手充滿期待好答案話：「係呀！」Chilam笑笑口望實靚靚：「我就係希望你收少啲包包？呀，幾好喎，但都係講笑啫！我哋講返認真，你新年有咩願望？」靚靚並沒生氣，還開心展露笑臉說：「我希望新嘅一年，大家都要身體健康！」Chilam也開懷大笑拱手恭賀說：「新嘅一年我都希望大家身體健康！」靚靚又拱手向大家祝賀：「希望每一日嘅開心大家都擁有！」Chilam亦讚太太實在講得太好了！

溫碧霞於2025年之始向大家送上滿滿祝福：「我祝大家蛇年行大運，心想事成，all the best ，happy new year ！」 已擁有幸福家庭的陳煒，踏入新一年仍希望專注工作：「元旦我都想工作中度過，因為近來一直在開工拍劇，覺得開工係好開心嘅事，希望人人都有工做，個個都搵多啲錢！」

黃凱芹於1月2日至5日與音樂人杜自持合作一連四場《唱．2025 LIVE 黃凱芹 × 杜自持》演唱會，今個元旦要迎接2025年的第一個演唱會。他說：「元旦大家應該會周圍去玩，但我第二天要開始舉行音樂會，希望今個元旦與杜自持合作愉快，演出順利，及重大家新年萬事如意；並祝大家新年快樂、萬事如意、身體健康！」

薇薇楊茜堯祝財源滾滾來

林夏薇（薇薇）和楊茜堯今年在劇集《黑色月光》中有卓越演出，兩位當紅藝人向大家送祝福；薇薇祝願大家在新的一年，身體健康，心想事成，財源滾滾來。楊茜堯同樣祝大家新年快樂、身體健康，與老公羅子溢育有一子一女的她說：「希望我的小朋友快高長大、聽聽話話；而我繼續可以拍多些好劇給大家欣賞，希望每個人都有全新的一面，人人開開心心。」

江美儀主持的綜藝節目《一個香港．十種玩法 過節篇》正在播放，她借新節目呼籲大家留港消費，促進香港經濟：「祝大家新年進步、身體健健康康，至於新年好去處，如果有看《一個香港．十種玩法 過節篇》就不用問我了，香港有好多地方，並且都係正、靚、平！」

衛詩雅何依婷冀心想事成

朱晨麗的新年願望是希望新一年可以身體健康，拍多些好戲，有更多好作品給大家看到：「我在這裏恭祝大家身體健康，萬事勝意，恭喜恭喜！」新出爐的亞太影后衛詩雅於新一年寄望自己主演的電影《破．地獄》由2024年上畫到2025年跨年上映，且可以繼續打破更多項紀錄，還有她於2月的婚禮可以順利舉行：「我其實仲有一個心願，就係試吓做舞台劇，總之2025年祝大家身體健康、心想事成、開開心心！」剛公布懷孕即將成為新任媽媽的何依婷，在2025年祝福大家身體健康，心想事成，個人願望方面，她即摸着肚皮說：「我自己就希望BB可以健健康康，快高長大！」

鍾柔美盼事業再登新階

薛家燕向來提攜後輩，踏入2025年，家燕媽媽也關心曾是她學生的鍾柔美（Yumi）有什麼新年願望？Yumi說：「我有好多新年願望，因為今年我踏入18歲，記得六七歲時喺家燕媽媽藝術中心學嘢，咁就認識咗家燕媽媽11年，時間過得好快，而我嘅願望係自己嘅事業愈做愈好，讀書方面要繼續努力，也繼續做自己想做嘅事情，最緊要係身體健康、開開心心，咁家燕媽媽你又有咩新年願望？」家燕媽媽笑讚Yumi說得對：「你就姑娘18一朵花，我都70幾（歲）啦，最緊要身體健康，我亦都希望做到薪火相傳，能夠教到一班年輕人朋友喺演藝上可以發展好好嘅，Yumi係一個好好嘅榜樣，佢熱愛呢一行，又非常專心投入，做每樣事情都好認真，即使對演出熟習，佢都依然要嚟排練，呢方面好值得年輕人或者同學去學習；咁2025年最緊要大家都活得開心，萬事化解為安好，身體健康，仲有我哋星運亨通啦！」