香港文匯報訊（記者 阿祖）張智霖（Chilam）與袁詠儀（靚靚）昨晚出席健康產品周年晚宴，再度夫妻檔搵真銀，靚靚表示因她代言這個品牌已經10年，品牌見Chilam也保養得好故也找他拍廣告，並不是由她去拉攏。那有否收回介紹費或收佣？靚靚笑說：「淨係收佣？其實老公是一家之主，一切由他負責，財政管理我都交給了他，我只坐享其成！」但財政上又會否獨立？靚靚笑答：「我想獨立時就獨立，不過大部分會共享，政府都呼籲我們共享交通、共享寫字樓啦。」一直在點頭的Chilam表示：「其實財政上我想交給她，因為我只是個藝人都不懂管理財政，而且處理上亦好麻煩，要唔識扮到識，更試過投資失敗，亦被人呃，所以我去管理財政都好辛苦。」會訓練兒子「魔童」將來管理財政？Chilam指兒子性格比他更藝術家，並不適合講錢。

18歲兒高冷型格

而「魔童」剛度過18歲生日，也將要到外國讀書，靚靚說：「阿仔最近有句口頭禪話『你哋多啲陪我』，所以他邀請了我們聖誕節一齊去日本滑雪，明年他就同朋友去玩，我會好好珍惜今次旅程。」至於「魔童」剛度過的生日，他邀請了一班朋友和看着他長大的uncle及auntie在餐廳吃飯，也有試讓他飲一點酒，不過由於第二天要返學，兒子都沒喝醉。靚靚說：「我都好大感觸，以前坐着看電視，他隻腳又細又肥嘟嘟，𠵱家好大隻腳，老公又影了張阿仔抱住我嘅相，所以好感觸。」Chilam則說：「男兒志在四方，也要學懂放手。」至於結交女朋友，兩公婆表示也不擔心，也贊成他識女仔，但Chilam笑言只見有男同學來他家中過夜，未見有女同學未能過目。問會否傳授識女仔絕招？Chilam說：「不用啦，他好似好有計，我就幽默友善，他走高冷型格，似我個Cool魔角色！」靚靚即吃醋對Chilam說他太友善了。

另外，談及靚靚剛完成一部馬來西亞賀歲片，她表示當地今年都有八九部不同語言的賀歲片，屆時上畫去宣傳時，也想看看講馬拉語的賀歲片，學習一下不同文化。