逆市求變保飲食生意

近年香港經濟不景氣，這天的訪問在阿Shaun的餐廳進行，餐廳由舊址土瓜灣搬到灣仔商業區已有年多，談到餐廳生意，他直言比疫情期間還要差，因大家的生活模式轉變了，晚市少了很多食客，他和拍檔都要想方法應變，幸好餐廳都是做街坊生意，午市有一班街坊支持。問他可有想過擴充生意，阿Shaun承認以前曾有想過：「但我唔想只掛個名乜都唔理，所以理性地控制自己個時間，而且目前做生意、拍戲及家庭已填滿晒時間，等再遲啲先，暫時拍多陣戲先，稍後會同汪阿姐（汪明荃）合作拍劇。」說到阿姐將舉行演唱會，他可會向阿姐自薦做表演嘉賓？喜歡唱歌的Shaun推說：「我唔敢喇，現在唱歌就難，以前可以唱首主題曲，現在唱情歌就交畀後生嘅唱，劇集主題曲就交畀《中年好聲音》的歌手，之前拍《換命真相》個橋段要唱首歌畀女主角聽，所以順理成章唱埋，好多嘢都係整定。」