香港文匯報訊（記者 子棠）林德信（Alex）早前榮升人父，生活上迎來新階段，在工作方面亦絕不鬆懈，一直熱愛音樂的他與鄭嘉嘉一起創作新歌《Drifting in Hyperspace(超空間)》正式面世，Alex負責Rap的部份，鄭嘉嘉唱普通話，中西合璧從80-90年代曲風零違和感融入當下節奏，尋找音樂新意念；而MV中，在黑暗就如以前的Disco一樣的地方，穿上以中深紅的服飾營造神秘又懷舊感。

Alex說：「呢首歌創作時參考過導演David Lynch的作風，所以MV都係超現實、暗黑風格，亦用咗好多懷舊道具布景。80年代嘅香港係好開心，夜生活亦好豐富，好多人都會去跳下舞，就好似今次MV以Disco做場景，服裝又有點復古，就是想向80年代致敬。」

Alex未與爸爸林子祥（阿Lam）去過Disco：「我冇聽過爸爸去Disco，只係見佢收工就返屋企瞓，反而我以前玩音樂，好多時玩到深夜三、四點，會去After Hours Club玩音樂，感覺好正 ! 聽到音樂就想跳舞，所以創作Hyperspace概念，就係想帶俾大家呢種空間感，享受音樂、享受跳舞。」嘉嘉亦表示沒有去過Disco，但對Disco音樂卻不陌生，因很喜歡聽Bee Gees、Babylon、ABBA , MJ歌，亦聽過前輩話當年所用的鍵琴，彈奏出來的節拍聲好特別。Alex又指：「嘉嘉跳舞比我好得多，我就真係要苦練，以前拎住結他，以創作歌手形象出現 ，但Hyperspace要有好多能量，我同嘉嘉需要放低樂器走出來跳舞，所以要上堂學跳舞，甚至重新學唱歌，唱住歌跳舞同唱彈結他唱歌真係好唔同。」