（香港文匯報記者 梁靜儀）陳豪、馬國明、黃宗澤（Bosco）、羅子溢、洪永城、吳啟華、蔡潔、陳瀅及劉穎鏇等等，前晚到九龍灣出席邵氏劇集煞科慰勞宴，其中陳豪更被瘋狂集郵，場內有不少人排隊與他合照，他亦來者不拒，相當親民。
曾傳過緋聞的黃宗澤（Bosco）與蔡潔，第8度合作終於飾演一對夫妻，Bosco更直呼蔡潔做老婆：「之前唔係演敵對，就係朋友，經過7部磨練之後終於做一對，不過係好悲慘故事。（冇得錫？）有得錫，咁靚女仔有得錫當然錫啦！因為大家太熟，拍攝時冇尷尬。」他又透露今次是為一個女人喊得最多的一次，因為戲中他們要經歷生離死別，因為她要死，對於「愛妻號」的他我失去老婆的確好慘。蔡潔笑指自己在劇中的功能就是搞喊Bosco。Bosco即笑說:「雖然要喊，但都保持有型一面，唔可以畀阿峯(林峯)Chok晒。」
蔡潔又大讚Bosco是個很好的前輩，對方今次的角色不單色很難演，還有不少打鬥動作戲，作為女性好鍾意Bosco於劇中為她孭手袋及流淚，估不到他喊到如此多。Bosco指拍該場喊戲是流真眼淚，因為個劇本寫得好好，連畫面都寫埋出來，就好容易喊。他又預告「老婆」今次會有更突破的性感演出，不過劇情跟他無關，他都在想能和播出街問。問到可擔心再傳緋聞？她說：「都傳過，再傳都傳唔到啲咩。」蔡潔笑言拍完這套劇後，取代了宣萱的「被綁架專業戶」。
洪永城（Tony）表示劇中首次飾演一個非常無良的人渣律師，要講喪盡天良的對白，主要跟林嘉華多對手戲，跟飾演重案組人員的羅子溢只得一場對手戲。子溢笑指Tony的角色跟真人有很大反差，都很期待。
Tony早前看過老婆梁諾妍於劇集《家族榮耀之繼承者》與羅子溢的親熱戲後呷醋，前晚兩男同場，Tony即扮嬲笑說：「我咪搵番佢老婆囉！」羅子溢即踢爆Tony扮嘢:「洪太話佢老公好鍾意睇，拍過時佢又叫我哋放盡啲，而家又扮嬲，扮晒嘢，奇怪佢有啲咁嘅癖好？」Tony指當日睇完劇本後，知道二人會有激烈動作，但當時太太剛懷第2胎，還未能公開，有子溢照顧他的老婆好放心，如果是其他男藝員就未必放心。子溢說:「我暗地裏知道佢老婆懷孕，所以拍攝時動作要更加小心。」不過Tony就搞笑說:「不過女兒出世後，我傳張相畀子溢，奇怪隻眼同胸肌咁大？」
笑問Tony會否希望報復，找機會跟子溢太太楊茜堯拍親熱戲？Tony即答：「梗係想啦！但我邊有咁嘅榮譽吖？排吓隊先啦！有排都未到我啦，TVB有好多人排緊。」子溢就笑言自己都在排隊中。
Tony被問到會否限制太太演情慾戲？他坦言不會設底線:「好多朋友都問過我，睇住老婆同人錫唔眼火爆咩？老實講都係作一部分，睇老婆意願。」子溢就搞笑提醒Tony，他自己也是演員，留條後路給自己，方便下次拍演情慾戲時可去盡些。被提醒的Tony即說隔空對老婆說:「冇底線，去吧。」之後二人又搭膊合照，不過Tony繼續扮嬲，搞鬼地「斜睥」子溢。
吳啟華與陳瀅第二度同劇演出，啟華表示今次二人唯一一場戲，就是他被陳瀅拘捕。雖然合作不多，但啟華就稱看過不少陳瀅的演出:「上一次同陳瀅合作劇集《M Club》，嗰陣已經演得好，而家《家族榮耀之繼承者》又進步咗好多。」問到若有機會再合作想飾演甚麼角色？他即表示當然是父女。身旁陳瀅則直言甚麼角色也可以，笑指演姊弟也沒問題。她又自爆原本今次有一幕沖涼戲，講劇情是講她沖涼時，馬國明衝了入去，本來拍攝當日她已帶備泳衣到場，可是導演見到她真身之後即時話取消唔使拍，改為在廚房煮嘢食就算，但至今她也不明原因。
另外，每次拍劇都會整蠱同劇演員的陳瀅，之前連佘詩曼都被她成功整蠱過，她笑言開工前都好期待整蠱其他演員，不過吳啟華卻沒有中招，她説：「都有人中招，但啟華哥呢位前輩太醒目，太多人生經驗，整蠱唔到！」不過她又稱都有其他人中招，稍後就會將片段放上社交網分享。
0
已點過讚
0 / 255