香港文匯報訊（記者 梁靜儀）黎芷珊主持的全新節目《芷珊約您》，將於4月21日推出，今次節目會以跟拍形式貼身直擊7大歌手/組合，包括有張敬軒、楊千嬅、王嘉爾、溫拿、草蜢、許志安及陳慧琳，並跟着他們先後走訪紐約、上海、澳門、馬來西亞、高雄、及廣州等不同地方，舉行世界巡迴演唱會時台上台下的珍貴點滴。

當中千嬅和安仔更會百分百坦蕩蕩分享之前遇到事業低谷時的真實感受、及如何克服逆境，有血有汗有洋蔥！早前在許志安的一集的預告片中，安仔首度剖白2019年經歷低潮期後的衝擊，並坦言是「一世的傷疤」，甚至因此對歌唱事業失去期望。此外，張敬軒一集，芷珊與軒仔坐在紐約的Limo（豪華轎車）上閒話家常，大歎香檳，勁Chill！

芷珊透露節目構思起點源於疫情過後、自己私心想出國旅遊順道拍攝節目，難怪芷珊亦笑指是「自肥」之作：「以往做開嘅訪談節目多數坐定定，但係依家觀眾要求愈嚟愈高，多啲畫面會更加吸引，所以就諗有咩形式嘅訪談節目可以飛去唔同地方呢？加上歌手系列我未做過，所以就諗到需要周圍飛嘅巡迴演唱會。」芷珊不諱言邀約歌手期間食盡檸檬，原因與「紀錄片」拍攝形式有關：「有啲歌手嚇親，因為全程要跟住，但我就係想有變化，所以最終唔成事。同埋嗰陣係疫情尾聲，有啲歌手仲會戴口罩，同埋除咗開騷其餘時間都留喺酒店，比較難配合拍攝。」加上每位歌手檔期不同，演唱會後台又多「神秘禁地」，洽談過程絕對是一大挑戰，芷珊說：「雖然台後好多嘢拍，但有啲嘢唔穿得，要一路同嘉賓嗰邊傾。」

節目「咩都有得睇」，訪談內容除圍繞事業、家庭、私人生活，還會探討社會話題。談到為何能贏得如此多藝人信任，芷珊笑指除了事前要花功夫做功課，對受訪者有深入及清晰的了解外，還必須與對方事前有充分溝通：「我訪問前會再同佢哋傾嚇偈先，畀佢哋知我嘅方向係點、希望件事出嚟係點，等佢哋有信心，就會好放心、好坦白咁同我盡訴心中情。」