演戲初哥譚旻萱為電影花心思　躲廁所培養情緒

香港文匯報訊（記者 子棠）譚旻萱（Mandy）在愛情片《不是你不愛你》中飾演的「阿寶」是一個性格開朗善良的女仔，不過如先導海報上預告「今個冬天 淚流成河」，是一個悲慘的愛情故事；身為女主角的Mandy在片中要面對多場沉重的戲份，經常要哭成淚人，對於性格樂天的Mandy來說絕對是一個大考驗，當中一場她要到醫院探望男主角場口，Mandy花了很長的時間，一個人躲在廁所靜思培養情緒，在場的工作人員都不敢騷擾她。

Mandy說：「因為比較沉重嘅戲，所以剛才去廁所與世隔絕一陣，戴耳機聽歌培養情緒，我聽板本龍一嘅《Merry Christmas Mr. Lawrence》，同埋電影《After Sun》嘅配樂，我有一刻喺廁所覺得阿寶唔想出去，唔想roll機，因為代表佢同家偉相處嘅時間會慢慢減少，我唔係嗰啲見到人喊就想喊嘅人，反而會諗有咩辦法可以幫到對方，呢方面我比較似男仔。」Model出身，在演戲的範疇還是初哥的Mandy很感恩片中遇到好對手：「今次合作嘅演員個個都非常之好，並非因為前輩，尤其陳昊森（男主角），佢係一個非常之咁靚仔嘅人，為人好隨意、好易溝通，會同你慢慢傾嚟緊場戲要點做，同佢拍戲你會好放心。」