(香港文匯報記者 梁靜儀 ) 林作日前疑因出帖抽水「荷里活廣場謀殺案」，案發後在網上放售與疑犯同款波鞋，又留言逃跑一流，言論被轟冷血涼薄，其任職的保險公司亦發出嚴正聲明，與林作終止合約。事後林作在個人社交平台揚言會就被公司解僱一事保留法律追究權利，並於6月5日在律師陪同下於其半山寓所舉行記招，更透露媽媽及女友連日來收到不少「問候」(講粗口)，又稱已收到具體合作邀請。
林作在代表律師陪同下現身記者會，女友裕美亦在場。他首先指出自己雖已被保險公司解僱，但客戶及團隊將不會受到任何影響，因為其保險業團隊，包括助手、秘書仍在公司「睇住」。第二就是團隊成員跟他「割席」是不正確的講法。第三就是有非常多客戶自發在24小時內向他前公司作出投訴，要求解釋為何公司將客戶利益放在網民言論之下。
被離職要求公司作出解釋
他又提到保險公司指他的言論違反社交媒體守則，他認為在他角度是好難講得通:「在過去幾年小弟抽火水事件有不少，但呢啲並未視為有任何問題。......話我同該公司代表嘅價值觀背道而馳，呢個罵名殊不能接受，如果你咁大間公司作出咁嘅言論，我作為普通無名小卒我都要保護自己，我嚴正聲明我唔同意呢個講法，如果講價值觀背道而馳係好嚴重好嚴重指控，即係佢係熱血，我就係冷血，佢係善良我就邪惡，諸如此類，我認為公司應該要畀交代講清楚呢個言論咩意思，否則會嚴重影響到我將來的工作。我哋會以書面覆返公司，並要求作出解釋，有進一步消息再同大家講。」
他又稱在這件事上並無任何道歉意願:「我認為言論自由要被保護，亦都同我專業操守毫無關連，呢樣嘢我一定要維護到，呢個情況我係不自願地被離職。......對住我如果採取咁嘅策略，無論公關上、管理上都未必係好嘅做法，我就只能見招拆招，我係秉持一貫原則，打就企定，最多逃跑，不過唔會唔參戰，我o既聲明係咁多。」
兩家人需要協助會挺身而出
問到可有想過向兩個死者的家屬道歉？他說:「如果兩位死者呢刻係對我嘅言論感到悲傷嘅話，未免大家睇得我太有影響力，但如果兩家人需要協助，例如法律建議或者幫佢o地發聲，我一如既往會挺身而出，因為我非常相信公義。」
再問到如果受害者家人要你道歉呢？他說絕對會道歉:「如果我說話能夠損害到兩位屋企人感情同心情，我絕對道歉。喺呢件事上我連環出過好多Post，包括認為政府應審視精神病患者的監控，去避免日後再有這種事件發生的可能性，有同情心、有具體貢獻嘅諗法，但冇人留意，但一啲黑色幽默就無限放大。」
說到他的黑色幽默可能造成二次傷害？林作說:「我認為呢件事唔應該只係專注兩家人感受，要專注全港人的感受，這個悲傷及沉重感受，更加多係來自恐懼，只有面對而唔係避談，先能夠可以放低，從而走出悲傷。我唔同意傳媒話我攞呢件事當玩笑，我冇。」他強調絕對無冒犯死者及家屬，寬恕過兇手，自己見唔到有對他們的不敬。
對於網民覺得你乞人憎過兇手？林作說:「呢個就係極度有問題，就係一個好恐怖嘅社會現象，我見到啲網民嘅人身攻擊、生命威嚇，勁過好多其他真係施暴力嘅人。點解呢件事令我咁不忿，有大機構對呢啲咁嘅人嘅意見係睇得咁重。連日嚟我媽媽同女友係不斷畀佢哋「問候」，係唔應該！抽水嘅定義係無傷大雅，但語言暴力同人生恐嚇係唔同......我呢兩日見到對我嘅語言暴力就非常之利害。」
他又稱從不會為任何言論後悔，只會視為人生經歷。「呢件事上反映到香港社會壓力，造就一批面對好大壓力嘅人，政府應正視問題，加大力度改善，如果我能令社會關注，我係十分願意。」
0
已點過讚
0 / 255