沈震軒 艾妮 洪助昇支持行山籌款

香港文匯報訊（記者 子棠）英皇國際集團主席陸小曼及執行董事張炳強，率英皇娛樂藝人沈震軒（Sammy）、艾妮（Elly）及洪助昇（Aiden），昨晨一同出席於元朗大欖郊野公園舉行之善寧會「登山善行2023」籌款活動，並為活動主持起步禮。英皇慈善基金為是次活動的鉑金贊助機構，英皇集團員工亦組成企業隊伍齊齊行山籌款，當中更有健兒挑戰23公里長途步行路線，為善事創善舉。

一向有健身習慣的Sammy其實也是行山愛好者：「行山係一種相對溫和嘅帶氧運動，郊區空氣質素又好，對健身訓練效益好大。自己多數喺屋企運動，難得有個機會俾自己更融入大自然，同時又能夠為有需要嘅人出一分力，意義重大。」

Elly笑言自己也算是山系女生，重視健康：「我自己鍾意揀初級至中級難度嘅行山徑做呼吸訓練，除咗想健康啲，都想自己唱歌夠長氣。以前做護士嘅時候更加體會到健康唔係必然，我好感恩有善寧會嘅服務，提供適合寧養的環境給有需要嘅病患及家屬，減輕家屬負擔亦安排心靈輔導畀佢哋，亦好開心我哋公司對呢類社福項目嘅支持，自己作為一分子都感到驕傲。」

首次參與英皇慈善基金贊助活動的 Aiden 表示：「好久無去過咁熱鬧嘅實體慈善比賽項目啦！今年係登山善行三十周年紀念，我哋公司同機構都並肩同行咗超過二十年，好開心可以同所有參加者見證呢一個新里程。之前同師姐泳兒及師兄弟拍節目時都有行過山，一大班人沿路欣賞風景、傾吓偈，大家朝着同一個終點進發，大家親近咗又可以鍛煉到耐力，希望今日參加嘅同事都能夠盡情享受到『行』善嘅樂趣！」