（香港文匯報記者 梁靜儀）白彪與龔慈恩相隔三年再度合體演夫妻，白彪躁狂升呢獲封「老年版吳卓羲」，龔慈恩讚現實好識就人。

繼2020年熱播劇《香港愛情故事》後，白彪與龔慈恩相隔三年再演夫妻，喚起網民不少回憶；網民笑指彪哥是次「躁底」升級，並笑封他為「老年版吳卓羲」，但亦力撐彪哥發火戲特別好睇。

戲中二人的婚照設計亦別具心思，劇照將龔姐及彪哥的樣子，用電腦合成成年青版，被逆齡約三十年的二人，馬上變成尖臉及窈窕身形，看上去更有夫妻相，相當有趣。

談到與彪哥再演夫妻，龔慈恩笑言對方十分懂得遷就自己：「可能佢武功太好，好適合呢類角色，所以就算推撞戲，都唔使話排好多次，佢好就得我，佢同劇組會幫我就埋位。」

至於首次與林夏薇(薇薇)合作，龔慈恩大讚薇薇好乖：「佢對長輩好好，我哋合作得好愉快。呢套劇合作得最多次嘅係馬明，因為劇情講我有一段時間會住喺薇薇屋企，所以有好幾場戲都同馬明一齊演，我哋都玩得好開心。」