（香港文匯報記者 梁靜儀）李家鼎(鼎爺)與肥媽近日再拍檔主持新節目，今次還加入游嘉欣，肥媽笑指被嘉欣的問題問到O咀及啼笑皆非。嘉欣更誤將「高峰」講成「高潮」，鼎爺無奈苦笑說:「畀佢激死。」

鼎爺與肥媽主持一連15集的全新飲食節目《肥媽李鼎》將於下星期一(24日)播出，今日（21日）二人聯同另一主持游嘉欣出席記者會，記者會上除播放精彩片段，肥媽與鼎爺更即場炮製酸計粉及去骨鼓油雞。

肥媽表示再次跟鼎爺合作很開心，不過就被游嘉欣搗亂晒。鼎爺就指嘉欣問的問題令他O咀及啼笑皆非，真是救命。肥媽笑指她不是「無知」而是「唔知」，不過同年青人合作，他們都學到很多。問到可有因此而鬧嘉欣？鼎爺笑說：「冇鬧，因為佢真係唔識，唔係扮嘢，佢打爛沙盤問到篤，係畀佢激死！」肥媽就笑指節目有游嘉欣這個「不明朗因素」才會好睇。

節目中，為配合每道菜他們都會講故事，肥媽稱以前很多事收收埋埋，因為講出來大家都不了解。她直言不敢在節目講老公，因為一講便會忍不住，同埋一講到個仔兩歲時被人打到變「豬頭」就會喊，而鼎爺的死穴就是媽媽，一提到媽媽便喊。肥媽又爆鼎爺年青時，見到前妻施明被男星攬腰跳舞就嬲到手震。

早前施明入院接受開腦手術，鼎爺透露指施明的精神狀況一日比一日好：「細仔李泳豪拍完《愛‧回家》一工就標去探病，大仔又係，起碼知道兩個仔好有孝心，情緒好好多，多謝醫護人員。（幾時出院？）暫時未知。」

肥媽又表示孫兒將於7、8月來港陪伴，但自己8月就要去英國工作半個月。她又笑指被孫兒投訴：「佢話嫲嫲你知啦，你老喇，我哋見得一時得一時，我真係唔識反應！」

游嘉欣笑言主持節目已做有心理準備，預了會被肥媽及鼎爺鬧，因二人經常捉她的懶音，好似上了 中文堂。 說到她連馬蹄可以生食都唔知，問到是否識下廚？

嘉欣卻自認有90分，很多媽咪的家常菜都識得煮，都想有個節目讓她一展廚藝。節目中獲肥媽教「溝仔」的嘉欣，被問可會有學以致用？她笑說：「我會想學習自然地溝仔， 我而家會學習講說話語調溫柔 （用廚藝？）買外賣好啲？」問緋聞男友林正峰可感到她變溫柔？嘉欣說：「好耐冇見，各有各我開工，我忙拍《非常檢控觀》，冇咩機會見到，見到都會約食嘢 ，不過我最近減肥，（一齊去行山、去長洲？）一個人會去做gym。」