（香港文匯報記者 梁靜儀）《中年好聲音》八強正式誕生，戴上帽子獻唱Bossa Nova版《月亮代表我的心》大擺Michael Jackson招牌甫士的吳大強，谷底反彈登三甲擸埋回MVP，涂家堯則被淘汰出局。

無綫綜藝歌唱真人騷《中年好聲音》，昨（2日）晚播出爭入八強的第六部曲《男歌女唱！女歌男唱》，經過一輪激戰，最終由吳大強獲得全場最高分89分，被淘汰的參賽者則是涂家堯。八強分別是龍婷、周吉佩、李佳、支嚳儀、顏志恒、吳大強、羅啟豪及林鉫徫。

上一回僅排第七的吳大強Bill哥哥，是集來個絕地大反擊，戴上帽子的他獻唱Bossa Nova版的《月亮代表我的心》，表演期間更大擺Michael Jackson招牌甫士，表現令人驚艷，主持車婉婉笑言：「啱啱以為城城（郭富城）嚟咗添！」對於Bill哥哥的演出，評判一致讚好，杜德偉大讚：「我頭先係完全畀你溶化咗，作為一個表演者，最緊要係要有Signature，Bill哥你完全做得到，每個人都記得你嘅形象，你今晚係大贏家。」張佳添則笑言：「大強每次都Prove到你係一個True Entertainer，一個71歲嘅Uncle擺個Michael Jackson嘅Pose，我諗我都做唔到。」肥媽聞言即激動說：「咩Uncle呀，我Brother嚟架，唔通我叫Auntie呀？」場面搞笑。最終Bill哥哥獲得全晚最高分89分，兼獲得本回合MVP，累積分數由上回合的4分飆升至16分，登上第三位，認真犀利！

至於累積分數頭兩位的參賽者，分別是19分的李佳和18分的龍婷，頭三甲的比分咬得相當緊。龍婷和周吉佩同樣獲得昨晚一集第二高分84分，表現亮眼。龍婷一改甜美作風，Rock爆獻唱《特別的愛給特別的你》，肥媽說：「我係畀得好高分，佢就穿透到我，穿唔穿透到佢（暗指伍仲衡），我就唔知！」伍仲衡就搞笑自爆說：「條褲都透埋！」自彈自唱《我願意》的吉吉，雖然獲得的分數不俗，惟他被批表演時經常乸埋塊面。

選唱《味道》的涂家堯昨晚獲得78分，最終累積排名分僅獲5分，成為累積分數最低分的選手，因而被淘汰。被淘汰的家堯坦言參加《中年好聲音》為他贏得寶貴友誼，並笑言能在伍仲衡手上拎過17分感到高興，但心中仍留有遺憾，他說：「每一Round都希望我獨唱嘅歌，張佳添老師係Proud of我嘅，雖然暫時做唔到，但希望喺第二啲舞台可以做到。」張佳添回應說：「其實我係Proud of你，你要明白分數只係你當晚嘅表現，但整個《中年好聲音》，我真心Proud of你！」。

此外由4月3日起至4月16日，「See Saw先」社交平台舉行估六強抽決賽門票活動，只要估中六強人選並答中一條問題，就可以參加抽獎，有機會贏得4月23日《中年好聲音》決賽門票，得獎者名額5位，各得門票2張。