香港文匯報訊( 記者 梁靜儀)劉佩玥( Moon)昨日身穿短裙，一身春裝打扮到觀塘出席商場復活節活動。阿Moon表示曾在復活節親自下廚煮大餐，她說：「我會煮三色椒炒雞柳及白酒煮青口，我都好驚唔熟，不過有爸爸從旁指導， 父母食完都冇問題。」問到她廚藝麻麻，爸爸可擔心她嫁唔出？Moon倒不擔心嫁唔出，並笑說：「結婚都唔係一定要搵個識煮飯嘅做老婆，如果冇人要，相信爸爸都會包起我一世，同埋細佬結咗婚，佢哋都唔想我咁快嫁，否則會好悶。」

近日無綫助理總經理(藝人管理及發展)樂易玲接受內地傳媒訪問時透露力捧旗下四生四旦，阿Moon亦榜上有名，她開心的說要加倍努力：「好驚喜又榮幸， 因為我哋4個女仔(陳瀅、陳曉華、蔣家旻) 一齊拍《美麗戰場》 係好朋友，更加要加倍努力， 不負大家對我嘅期望。」

一劇接一劇的阿Moon 她又透露完成新劇《奪命提示》後，將會接拍劉家豪監製的《逆天奇案II》。問到受力捧可要簽長約？她說：「本身個約都好長，長唔長約唔係最重要，因為自己好鍾意演戲，仲有好多嘢都未試過、未學夠，公司亦有好嘅平台畀我不斷學習。」