香港文匯報訊 （記者 阿祖） 鄭欣宜（Joyce）一連三場「Believe Us 鄭欣宜演唱會 2023」 前晚在紅館開鑼，全場爆滿，好友李幸倪（Jin Lee）和應智越（細貓）捧場，特別嘉賓鄭裕玲（Do姐）上台與Joyce玩「大問答」互揭感情秘密，妙問妙答。而今次演唱會舞台設計非常特別和揼本，除了在舞台四邊都鋪上泥土，呼應演唱會海報設計，還專程從英國訂製Ground Support，在場內加設四條直柱配合電腦程式和射燈，打造出不一樣的燈光效果。

昨晚Joyce以《Glitterfalls》和《@princejoyce》，與二十位舞蹈員勁歌熱舞為演唱會打頭陣，然後在唱《小夜燈》時，全場觀眾亮起手機燈，一片星海，非常壯觀。Joyce介紹昨晚表演嘉賓Do姐時，全場歡呼。Do姐說：「我好開心你請我嚟做嘉賓，我都覺得我非常有資格，因為喺你未出世，肥姐大肚嘅時候，我已經知道你嘅存在，睇住你長大。不過，演唱會嘉賓要唱歌喎！」Joyce笑說：「唱歌跳舞呢啲粗重嘢交畀我做。其實我請你嚟做嘉賓另有目的，我想請你咁有分量嘅嘉賓上嚟講吓我、教訓吓我！」Do姐說：「憑良心講，欣宜無嘢唔好，睇佢長大，佢好尊重自己嘅體態，佢做返自己，我好開心。佢對於鍾意嘅事，即係唱歌演出，會付出100% ，叻女到喺紅館開演唱會，唔止一次，係兩次⋯⋯（Joyce在旁細細聲更正『係第三次』）三次！我引以為傲。」

兩人妙問妙答咀嘴擁抱

Do姐表示自己不會表演唱歌，建議與Joyce台上玩「大問答」，隨即問Joyce揀愛情還是事業？Joyce表示兩樣都要。她反問Do姐揀電視台定電台，Do姐亦答兩樣都要。Joyce追問哪一樣賺錢更多？Do姐說：「𠵱家本人做嘢係為興趣，最緊要我開心！」引來全場掌聲。Joyce再問：「TVB定ViuTV？」觀眾立即起哄，Do姐說：「梗係『開電視』啦！我就嚟要拍旅遊節目！」Do姐問她擇偶條件，Joyce表示會揀較高大和肥肥哋男仔。Joyce問：「如果得個一水泡，你救Jackson Wang定姜B？」Do姐說：「最近多咗個任時完，不過佢哋識游水，唔使我擔心。」Do姐反擊：「你到底有無拍拖？」Joyce反問她，Do姐說：「我有拍拖，我同現場咁多人拍拖，我覺得呢種拍拖關係最好，佢哋鍾意我，我又鍾意佢哋，我哋又唔會嗌交！咁你有無拍拖？」Joyce照辦煮碗回答，全場爆笑。最後Do姐祝福Joyce繼續努力，舉行更多成功的演唱會，然後二人咀嘴擁抱。

昨晚演唱會原定以Joyce首本名曲《女神》作結，但她落台後觀眾不肯離場，不斷大叫安哥，她換上便服牛仔褲再度出場，與觀眾一齊做心心手勢影大合照和多唱一首《半份關心》，為首場「Believe Us鄭欣宜演唱會2023」畫上句號。