吳業坤將演《NEWS新聞女王》　透露婚禮已訂好場地

香港文匯報訊（記者 梁靜儀）吳業坤(坤哥)今日到新城電台接受訪問，透露將演出無綫新劇《NEWS新聞女王》，劇中飾演一名電視台攝影師，故近期積極操練大隻。婚後發福了的坤哥，不諱言太太都想他減肥：「本身我想要鋼條型身材，着衫好睇啲，因婚後好多朋友約飯局，想見我太太，所以好難減。」

坤哥近日推出新派台歌《百二歲》，內容講述愛是不應該分年歲時限，覺得頗適合做婚禮主題歌，所以找來日籍太太濱口愛子客串當MV女主角，拍攝時兩人似模擬婚禮。問到坤哥何時補辦婚禮？他即緊張得冒汗：「婚禮籌備中，始終結婚後我哋仲未正式斟茶給媽媽飲，好想去答謝親恩，讓媽媽喺眾人面前感受喜悅同幸福。日期會係3、4月之間，已訂好場地，會以西式小型派對進行，冇接新娘傳統儀式，主要宴請家人同比較熟的朋友出席，出席的圈中人有『巨星幫』出身嘅胡鴻鈞及謝東閔，(請埋胡鴻鈞好友蔡思貝？)我唔熟，所以冇請佢。」

當被問及何時生BB？坤哥即說「咪搞我，想享受二人世界先。」他又透露計劃年底開騷，但很多場地訂位已告爆滿，正物色一些新地點， 都有興趣在戶外開騷。說到他剛簽回TMG星夢娛樂就做一哥，周柏豪和胡鴻鈞即相繼離巢。坤哥自嘲腳頭唔好，當年在舊公司，我一加入好友JW(王灝兒)便離開，所以二人未有合作，希望在星夢可以有合唱機會。