自爆情人節驚喜收花 高海寧話送花者有目的

香港文匯報訊（記者 梁靜儀）高海寧（高Ling）及陳煒（煒哥）昨日盛裝到場，高Ling笑指到場後便不停「偷聽貼士」，又大爆有同事投注了60元，卻贏得2千多元，事後高Ling指黎諾懿就是她口中的贏家。

煒哥則笑指已交低一千元給「信得過的人」，希望有所斬獲。當談到橫財運，她笑答：「打死都話有。」高Ling表示試過參加遊戲節目，抽到91張一千蚊紙，最後竟然給她贏了9萬1千蚊獎金及獎品。她又說：「嗰次同今日一樣，都係穿桃紅色，希望旺一旺佢。」煒哥笑說：「咁我都試過用100蚊亂畫三重彩，結果畀我贏咗幾千蚊。」

剛過去的情人節，煒哥於社交平台放閃，大晒老公所送的鮮花，她甜笑說：「嗰朝佢突然間問我有冇見到彩虹，我話冇，點知下午就收花，（有冇禮物收？）仲唔夠呀？我就煮咗佢好鍾意食嘅嘢，花咗好多心機同時間，都付出好大，佢就只係花錢啫。」高Ling又自爆情人節都有收花：「嗰日我去咗花店買花，但所有花都包紮好晒，我想買單枝，女店員好好就送咗束花畀我，但叫我下次去幫襯。（快啲搵返個人送花？）要睇緣分，我都好努力㗎嘞。」

陳嘉慧（Erica）以低胸連身裙性感上陣，她表示因首次到馬場，特別以盛裝出席。至於工作方面，Erica表示剛拍完旅遊節目，趁暫時未有劇開，計劃去旅行。