黎諾懿率領賴慰玲、戴祖儀、關楓馨、梁超怡、周百恩、李芷晴及程浩駿，齊齊向香港文匯報讀者拜年，恭祝大家新一年個個都發財、身體健康、鴻圖大展、心想事成、兔兔高升，兔氣揚眉、財源廣進、龍馬精神！
踏入兔年，各人大談新年願望及計劃，近年由演員晉升監製的諾懿，新一年最想有覺好瞓：「由於上一年少睡眠，因為大仔身體比較差，經常搞到我哋兩公婆冇得瞓，希望兩個仔生生性性、身體健康，仲有賺多啲錢。」同時要兼顧事業及家庭的賴慰玲，平日除了開工還要照顧兒子，她跟諾懿一樣希望可以有覺好瞓。
戴祖儀與關楓馨今年最大的願望是可以出埠旅行，關楓馨希望去得越遠越好。而祖儀就比關楓更快實現旅行的願望：「踏入兔年，我喺澳門同大家倒數，之後就去日本玩，然後會同麥美恩去韓國，而今年願望係不斷不勞而獲。」關楓馨笑稱新年願望是「食極唔肥」，希望各位讀者都一樣。
提議黎監製開旅遊節目
港姐季軍梁超怡尚有大半年才卸任，但她已密謀在娛樂圈大展拳腳：「希望接到好多工作，同埋撇甩港姐形象，跳出港姐範疇，仲有身體健康，再練出腹肌。」在外國長大的她，笑言多年未有在港過新年，今年要逗回過去幾年的利是；新人周百恩亦同樣希望可以爭取更多演出機會，讓更多觀眾認識他。
《開心無敵獎門人》「程班長」程浩駿，與《香港小姐再競選》亞軍暨最佳進步獎得主李芷晴，二人近年在演出上的努力漸受觀眾注意，談到新年願望時，「程班長」不忘搞笑說：「得兩個（願望），好簡單，今年想發達，想做到首富，第二個係想2023年做到視帝。」芷晴追問他如何實踐願望時？他笑說：「冇呀，等待通告。」曾擔任六合彩主持的她笑說：「38萬台慶大獎就中過喇，今次少少哋簡簡單單中個六合彩就夠喇，（再選多次港姐？）再選我怕贏晒。」言歸正轉，二人異口同聲希望黎監製（黎諾懿）可以開個旅遊節目，出埠拍攝，最理想是去瑞士拍攝。 採訪：梁靜儀／攝影：郭木又
0
已點過讚
0 / 255