林盛斌獲麥玲玲批運程好有排旺

香港文匯報訊（記者 梁靜儀）許廷鏗（Alfred）、堪輿學家麥玲玲、林盛斌（Bob）及羅凱鈴昨日到油塘出席新春活動，眾人又與現場市民大玩遊戲。堪輿學家麥玲玲在台上批屬羊的阿Bob兔年運程不俗，更會有排旺。事後二人一起接受訪問，Bob表示玲玲師傅指他不單會旺到2024年，更會一飛沖天，所以今年要好好部署。

有「金牌媒人」之稱的Bob，自爆過去兩個月撮合了三對男女友人，有圈中及圈外人，問到當中可有胡定欣份？他即賣關子說：「唔講呢啲啦。唔好迫我！我會再努力。（方力申呢？）某程度上我已經放棄咗佢，總之幫到人係功德。」玲玲師傅亦大讚Bob熱心又愛錫朋友，而她亦曾成功做媒人撮合黃浩與徐菁遙這一對。

二人又透露有意在今年拍攝一個類似《非誠勿擾》的男女配對節目，Bob說：「玲玲喺呢方面（做媒人）有好多心得，我身邊又有啲筍盤，不過佢哋比較怕醜唔肯上節目。」

許廷鏗發新年財

一身紅噹噹的Alfred透露前晚在朋友家中玩啤牌時發了新年財，雖然銀碼並不多但已很開心，因本身橫財運向來麻麻。

榮升老闆的Alfred表示昨日正式開工，更叫大家若見到他可以跟他拜年𢭃利是，希望大家新一年可以逢凶化吉及財源滾滾。Alfred生肖屬龍，今年犯太歲，他笑言今年有很多朋友已提醒他要攝太歲，而新年期間他都有輕微不適，可能天氣變化大令他有點氣促。問到是否做了老闆後注重了這些習俗？他說：「現在唔係要顧自己，員工好就大家都好，（着紅底旺一旺？）冇買，怕會好尷尬。」身為牙醫的他笑指新年特別多客人預約洗牙，更有客人要求洗到見血，以化解血光之災。

談到新年大計，Alfred表示計劃今年可推出演唱會VCD，另一隻是專輯兩隻碟，希望能得到大家支持。提到COLLAR早前在叱咤頒獎禮上復工，當年身為《造星IV》導師的Alfred表示當日上台前也有與她們問好及擁抱，他又大讚SoChing（蘇芷晴）是非常堅強及勇敢的人：「我見到佢好堅持，新年祝福都希望同佢分享，亦希望阿Mo（李啟言）可以盡快康復。」