有機會兩嫲孫一齊拍廣告 薛家燕大讚孫仔有音樂感

香港文匯報訊（記者 梁靜儀）薛家燕、麥美恩、曹永廉（阿廉）、鍾柔美（Yumi）等，昨日到黃埔出席新城電台新春團拜，家燕姐更有份為醒獅點睛，並聯同賀歲劇《黃金萬両》中的「大仔」及「新抱」，阿廉與麥美恩向圍觀巿民大派利是， 引來不少市民爭相索取，場面熱鬧。

家燕姐表示近年因疫情關係，新城電台已多年未能舉行團拜，能夠再次舉行團拜都感到很開心， 所以要帶埋「大仔」同「新抱」來。提到他們主演的《黃金萬両》收視很好（最高收視17.9點／115萬觀眾），家燕姐開心多觀眾收睇，並大爆阿廉及美恩收到不少外快：「佢哋係新式演出，好彩我啲戲好咋。」阿廉笑言已經就住來做。美恩則搞笑說：「 冇理由同家燕姐瓜分女一位置。」

新年期間家燕姐去了澳門登台，她表示3月將偕同《黃金萬両》的演員到馬來西亞登台，有些地方仍在傾緊做巡迴演唱。 阿廉笑說：「家燕姐幾年冇登台，今年追番晒。」麥美恩則透露為了登台正努力練習十字步。

問到家燕姐新年忙登台豈不是沒有時間陪家人？她笑說：「唔會，我帶埋啲仔女同個孫一齊去澳門，個孫聽到《皆大歡喜》音樂仲跟住我跳，估唔到歲半人仔咁有音樂感，係可造之材，（親自訓練孫仔做生招牌？）家燕媽媽藝術中心隨時歡迎佢。」家燕姐更透露遲些可能有機會兩嫲孫一齊拍廣告。

鍾柔美不捨姚焯菲離港升學

鍾柔美（Yumi）笑言今個新年假期大解放，主要是與家人食團年飯、休息、瞓覺和玩，盡情地開心和釋放，事關上個月聖誕節要忙於溫書和考試，不過亦因食得很多賀年糕點和糖果胖了一點。問到利是是否大豐收？她估計還好，自爆把利是周圍放尚未點算，開學前都要集齊整理。

談到工作，Yumi高興指今年有新挑戰，將首次主持一個有關寵物的節目，她自嘲說：「我經常說話『口窒窒』，希望藉此機會得以改善。」

提到好朋友兼After Class拍檔姚焯菲（Chantel）日前離港遠赴新西蘭讀書，Yumi大呼不捨得，並已傳了訊息給她對方，希望Chantel懂得照顧自己，開開心心，一切小心，並且不要忘記她和After Class。