香港文匯報訊（記者 梁靜儀）胡定欣、譚俊彥（Shaun）及張馳豪，昨日出席《最強人氣品牌大獎頒獎典禮 2022》，三人分別奪得「最強人氣廣告男、女星」及「最強人氣廣告歌演繹歌星獎」。聖誕將至，定欣投訴「金牌媒人」林盛斌（Bob）交不到功課，沒有成功介紹「筍盤」給她，讓她今年感情成績表依然吃光蛋。

踏入年尾胡定欣已奪得第二個個人獎項，阿Shaun就表示要黐住定欣的人氣，因他今次才開齋拿今年第一個獎項。定欣表示跟健康產品合作了10年，見證了她成長，好多謝品牌一直支持自己，令她有健康身體可以更專注演藝事業。問到還有什麼廣告想拍？定欣表示想拍有關醫療及食品的廣告。

Shaun就表示今年拍攝的月餅廣告，內容充滿溫情，深受觀眾歡迎，他都希望一直合作下去。問到他可想和女兒父女檔拍廣告？他就說：「等佢哋大個咗先，之前都有人搵但推咗，小朋友應該專注學業，畢業後大把機會有排做。」他又透露近日很忙，要做「阿四」及司機，除了接送女兒外，又要幫她為學校的表演排練，指女兒現時英文及普通話都講得比自己好。

譚俊彥 帶小朋友去主題公園

提到聖誕將至，問到兩人可有節目？Shaun表示會帶小朋友到主題樂園玩。定欣即一臉羨慕說：「我都想有人同我去主題樂園玩呀，其實今年都會約朋友一齊過聖誕，我都會叫朋友唔覺意帶啲朋友出嚟介紹吓，（Bob之前又話介紹男仔畀你？）係囉，都年尾啦，張成績表都仲係零分，咁點算先？」

阿Shaun就安慰定欣，指感情事順其自然就好。定欣被取笑還要揀擇？ Shaun則寄語定欣寧缺勿濫。定欣苦笑謂：「話晒最強人氣女藝人喎！唉，唔揀都揀咗咁多年，已經去到無條件呀，行出嚟啱就啱㗎喇。」

另外，同樣得到「最強人氣廣告女星」的黃智雯因事未有出席，還有得到「最強人氣廣告歌演繹歌星獎」的炎明熹及姚焯菲，雖未能親身出席，但仍有拍片致謝。