香港文匯報訊（記者 梁靜儀）蕭正楠、區永權、 伍仲衡、菊梓喬及馮允謙等，昨日於將軍澳電視城為《勁歌金曲》擔任嘉賓，相隔近20年再次以歌手身份亮相該節目的蕭正楠，令他勾起不少當年當歌手四出宣傳的回憶。他又透露即將舉行的《HEA TOGETHER LIVE 2023》反應不俗，感謝老婆黃翠如幫手推銷門票，並表示正積極游說她上台唱歌。

蕭正楠（Edwin）表示自2002年攞完十大勁歌金曲「最受歡迎男新人金獎」後，就再無參與勁歌的節目，今次再上節目主要是宣傳他與區永權及伍仲衡三人於明年1月舉行的演唱會及新歌。

問到心情可緊張？Edwin說：「𠵱家唱歌心態係享受，唔再緊張，但係亦都有遺憾，因為新歌是講爸爸的，爸爸喺我事業低潮時離世，見唔到我重返TVB及有個好太太，因為入行都受佢影響，佢係卡拉OK王，如果仲喺度，佢一定會參加《中年好聲音》。」他又指演唱會預售門票幾乎售罄，笑言要多得太太努力向親友推銷，如果反應好有機會加場。問到是否已說服老婆黃翠如做嘉賓上台唱歌？他笑說：「𠵱家仲游說緊，大家都知唱歌係佢『必殺技』。」

此外，阿蕭日前踢波不慎被自己砸到，斷了左手尾指韌帶及有碎骨，故要帶上保護架，醫生說大約6星期才康復，而他亦沒打算做手術，因稍後在《歡樂滿東華》還要爬包山籌款，希望善長見到他受傷，不用他搶包山也會捐款。

菊梓喬避談吳卓羲

菊梓喬（Hana）早前去了美國十多日，登台後再留下來四處遊玩，她說：「今次去咗LA同埋拉斯維加斯，我仲第一次玩老虎機，贏咗300元美金，用獎金請咗大家食飯。」剛度過生日的她表示生日願望是開心和健康，身邊人都開開心心，問到其緋聞男友吳卓羲（Ron）有何表示？她說：「佢有同我講生日快樂，但就冇送禮物。」當再被追問下去時，Hana不停笑着說：「我真係好熱，出晒汗，搞到我唔識答，唔知點樣講。」之後又扯開話題，表示再早前返了內地，其間遇到管控，到杭州及深圳都有管控，不能外出，但都有去到沙灘玩高卡車。

提到有報道指她返內地是陪緋聞男友阿Ron工作，問到對方是否一齊去玩高卡車？對此Hana沒有正面回應，只表示在內地見到很多人，始終不肯正面回應是否有見過阿Ron。她又稱過幾日可能要去澳門及內地做音樂會。