香港文匯報訊（記者 林子棠）高收視台慶劇《下流上車族》因題材夠「貼地」，成功俘虜觀眾心，上周跨平台直播收視最高27.3點，而前一晚的前奏篇最感人的莫過於林敏驄（阿驄）、江美儀、郭柏妍和羅毓儀「車家一家四口」齊齊大派洋葱，原來阿驄更加戲炮製8分鐘的感人爆喊場口。而劇集昨晚播出大結局，因此被看好能衝30點收視！

劇情由羅毓儀誤以為父親阿驄疑有外遇後大受打擊，情緒爆發哭着跑回家而揭開序幕，劇中她激動喊到面都紅晒；她表示因本身沒有類似經歷，事前向影后鮑起靜請教，拍攝時亦一Take過喊了出來，但「媽咪」江美儀信任她可以喊得很入肉，為她向導演提出多拍一次，結果拍了兩Take就達到這個效果，感激兩位前輩的幫助，讓她相信自己做得到，很感動。

至於阿驄在同一集中，一幕喊足8分鐘的畫面亦再度攻陷觀眾「淚點」，阿驄透露這場戲是他提議加的：「本來場戲係得我一個喊，之後我覺得兩個女啲演技都開始成熟，可以喊得出喇喎，加上大家相處咗幾個月，有咗感情基礎，所以搵埋佢哋同美儀姐一齊演，大家拍呢場時都喊晒，美儀都喊到收唔到聲，感覺非常好。」阿驄更指這幕戲相當滿意達標，稍作休息後，大家還閒話家常說笑及談美儀煮來的雞翼，十分鐘再拍多take更是一揮而就。

黃建東演「保安陳」入屋

而在劇中飾演「保安陳」的黃建東，也給觀眾留下深刻印象，黃建東說：「發現做貼地角色好啱我，之前做豆腐佬同埋果欄佬要除衫，估唔到我個肚腩被啲人話好真實。有人話保安陳好搞笑，叫我不如去佢屋企幢大廈應徵，佢會成日落嚟同我傾偈。」劇中他與影后鮑起靜不乏對手戲，他開心謂自己是鮑姐的粉絲，「好榮幸同開心同佢合作。由《天水圍的日與夜》已經被佢搞喊咗。佢係一個好sweet嘅前輩，好有愛，同埋成日『萬歲』好錫大家。」