香港文匯報訊（記者 梁靜儀）由張馳豪（Aska）及潘靜文（Sherman）作聲音導航的全新綜藝節目《我們的主題曲》，前晚播出一集的主題為處境劇，邀得薛家燕獻唱《皆大歡喜》古裝及時裝版主題曲、並孖住Sherman及蔡愷穎（Lolita）大跳十字步。有份演出《皆大歡喜》及《真情》的家燕姐，指演出《皆大歡喜》4年多感到很開心，最難忘是食飯戲：「劇入面好多場食飯戲，但邊有咁多餸吖，啲雞同魚都係假嘅，演食飯都係扮扒飯。」

家燕姐又指拍《真情》，更是人生轉捩點，她說：「陳寶華（《真情》編劇）寫好姨呢個角色寫到有血有淚，尤其是同貓屎（黃錦燊飾）嗰段戀情，因為嗰段時間好少中年女士敢講畀人聽自己有戀愛，影響到好多中年女士覺得可以談戀愛，唔會怕畀人笑。」

飾演「貓屎」的黃錦燊亦有現身節目及分享最難忘場口：「有兩個飛仔喺Lift度遇到我同好姨，話我『淘古井』，我聽到呢三個字就發晒火，呢場戲好難忘，因為啲動作係我自己度。」