香港文匯報訊（記者 達里）由黎諾懿監製及主持的一連8集《仨心友行 3》今晚播出最後一集。在第六集當中，李佳芯（Ali）、麥美恩（Mayanne）及劉穎鏇（Tiffany）首次挑戰吹「葉笛」，唯一一個成功「吹出聲」的Mayanne自誇自擂。近日為慈善短片《伴》處女編、監、導的Ali則在節目再執導演筒，幫Mayanne及Tiffany拍片記錄友誼。Ali在節目中罕有談及感情問題，並承認與舊愛再見亦是朋友。

麥美恩與劉穎鏇均自認因性格太熱情，經常引來異性誤會；而「女神」Ali因太直率和說話沒有尾音，自幼被媽媽禁止做出惹人誤會的舉動，故對不感興趣異性獻殷勤會即刻「落閘」，亦從不覺自己多人追，Ali說：「如果係我鍾意嘅，唔使追我我都會成日黐住佢，一唔鍾意嗰啲就會『得啦，唔使呀，我自己拎啦』，我就已經男人上身，好驚畀人誤會。」Ali又指希望另一半能夠了解及支持自己：「我一直畀人感覺硬淨，好易令男友覺得我唔需要佢，因為我唔嗲又唔識氹人，𠵱家學識就算一句：『搞唔掂呀，冇咗你唔得』，佢可能已經好開心。」

Tiffany有「選擇困難症」

至於目前單身的Tiffany直認有「選擇困難」，因此希望將來另一半能為其規劃好一切；Mayanne則自問性格忽冷忽熱難捉摸，是屬於難駕馭的女友類型。

節目又邀得袁偉豪與三女繼續大談感情事，Ali鮮有公開與舊愛分開緣由及現時關係。她坦承雙方之間許多問題已醞釀多時，及後因疫情關係相處時間變長令問題浮面及必須正視。Ali 續指與前男友自2020年分手後「再見亦是朋友」，雙方至今仍保持聯絡：「我好感恩用咗第二種方式同佢做朋友，去維繫返呢段感情……」在之前集數曾自揭異地戀「告吹」的Mayanne，則再補充指戀情告吹與「耐性」有關，並直指甩拖後終日以淚洗面、情緒極浮動︰「夜晚瞓瞓吓會自己流眼淚，成塊面濕晒。」

至於在最後一集，三位「女神」回復搞笑本性，披上七彩絲巾於田園中擺甫士合照，還拋開絲巾邊跑邊嗌「初戀」，最後連諾懿也忍不住「落場」同大家一齊癲， 場面爆笑！