洪卓立 劉沛蘅望以情侶檔拍戲合唱

香港文匯報訊（記者 梁靜儀）洪卓立（Ken）與劉沛蘅（Hillary）今年3月公開戀情後頻頻高調晒愛，情侶檔更大受廣告客戶歡迎，繼早前獲邀拍攝米線專門店廣告後，最近他倆更獲頭髮護理品牌邀請，拍攝全新系列廣告。

日前Hillary與Ken一同到影樓拍攝，為營造出情侶間的溫馨甜蜜畫面，影樓布置成家居環境，他們分別穿上米白色的家居服，更公然打情罵俏，二人不時互相提點、替對方整理衣衫、又會逗弄對方，非常甜蜜。

今次再度以情侶檔姿態出現，Ken謙稱獲女友帶挈拍廣告搵真銀，十分開心；Hillary則取笑男友要在人前溫馨，容易臉紅。

除了合作拍廣告，Hillary與Ken更希望繼續以情侶檔作多方面嘗試，不過出名是「大男人」的Ken就希望盡量避免女友跟其他男生親熱，他說：「我哋可以唱歌㗎！Hillary有學唱歌，既學跳舞又學做戲，希望呢幾個範疇都有機會，跳舞係我強項，但係極具娛樂性嘅強項，係唔會亂咁攞出嚟。」他續說：「其實情侶檔拍戲都好嘅，如果有套劇做情侶，最尾大結局先一齊，咁中間就多啲曖曖昧昧就最好，不過就盡量避免有第二個男仔爭佢、強吻佢嗰啲，最好唔好！」身旁的Hillary補充說：「千祈唔好一開始就熱戀，到最尾分手，咁樣唔『老嚟』呀！哈哈！」