香港文匯報訊（記者 林子棠）TVB總經理（節目內容營運）曾志偉確診新冠肺炎，前晚的《開心無敵獎門人》成為25年來沒有獎門人錄影的第一次。元老級獎老的錢嘉樂自然要擔大旗，嘉樂透露出場前有跟志偉進行電話會議，志偉很緊張地跟他們傾好問題，並獲志偉贈予「加油」二字作鼓勵。
志偉首度缺席《獎門人》錄影，請來蘭茜頂替，獎老錢嘉樂和阮兆祥等更加賣力搞氣氛，抵死地委任蘭茜是「一次性用完即棄獎門人」。阮兆祥又聲稱要做得更好、超過24.2點的收視，嘉樂再發笑功：「唔可以，要跟返獎門人嘅高度，唔可以高過佢，否則下次會全部換晒人！」
當晚的嘉賓由湯盈盈、周家蔚、文頌嫻（文女）、鍾麗淇、梁靖琪（Toby）、方力申（小方）、吳家樂、黃建東、鄭俊弘、何遠東分成男女兩隊對戰，而「七魔女」欠缺的佘詩曼和姚樂怡就由兩個戴上二人面具的人集齊。逐一自我介紹時，湯盈盈又小鳥依人的俯在老公肩膊放電說：「你老婆呀！」眼看夫妻檔放閃，男子組揶揄會有人公器私用；嘉樂即反駁：「我現在企響你哋呢邊（男子組），返到屋就無得企，要跪玻璃！」豈料玩夾麵包遊戲時，盈盈真的「出貓得逞」，而Toby就要用「餵奶胸」與周家蔚的「肚腩」、及何遠東的「大屁股」跟吳家樂的「臉」做拍檔，大放笑彈；何遠東更自嘲屹籮的姿勢猶如產檢，個個玩到不顧儀態，結果3比3，由蘭茜扮志偉上身宣布：「打和！」而吳家樂的太太和3個仔女、以及Toby的老公也到場打氣，搞到單身的小方葡萄說：「你哋咁多包袱㗎！」
穿獎門人肖像T恤搞氣氛
錢嘉樂表示記憶中志偉真的從沒缺席過《獎門人》，認為這集幾特別，為此開會研究會否補拍志偉的畫面做後期，但未落實；並謂：「出場前有跟志偉進行電話會議及慰問，佢都好緊張同我哋傾好晒啲問題，叫我哋放輕鬆啲，及叫我『加油』。（擔大旗？）唔係，大家一齊做。（要有人叫打和？）呢啲粗重嘢我做喇，佢嘅精神會響個騷度，跟咗佢做遊戲節目20多年，都畀咗好多經驗我，所以OK的。」
文女笑謂：「我哋未結婚已開始上節目、至今超過10年，所以好重視《獎門人》25周年，專登穿獎門人肖像Tee，為幫志偉一把來搞氣氛，等佢可以安心休養，唔使次次叫打和。唯獨有個『叛徒』，湯盈盈着嘅係佢老公肖像Tee，應該係想謀朝篡位。」Toby自言心情緊張、因很久沒玩遊戲節目，周家蔚則指預計會濕身所以不穿白色衫。文女又指志偉有致電叮囑她們要豁出去玩放啲，但聲音沙啞；原本鍾麗淇因左腳傷及舊患打算缺席，是志偉親自邀請及承諾遊戲會遷就，周家蔚爆料指看過流程表似乎不單只沒有遷就、反而有加重。
0
已點過讚
0 / 255