香港文匯報訊 憑歌曲《早上37.2度》獲得第二首「五台冠軍」歌的泳兒（Vincy）昨日推出全新作品《18步半》。

回望過去，Vincy已經發布了十八張專輯，這是她新的音樂企劃Bloody Project 第二首歌，填詞的周耀輝便想到不如就叫《18步半》，十八張專輯之後再走前，「半」是不可測、是還有、是更多。創作歌曲前，周耀輝問Vincy：「假如上半生學到的是對應該說不的事用力說不，那麼下半生你會向着什麼用力說：YES？」Vincy幾番思量之後說：「我會say YES to 轉換一個性格。我覺得我大部分時候都係內向型，我好想知道假如我變咗另一個極端，非常外向，我嘅人生、生活會有乜嘢改變？我會遇到點樣唔同嘅人？」

至於MV，Vincy以四個角色包括殺手、被追殺者、破壞者及建構着烏托邦的天使者去呈現故事，這可說是她入行以來，轉最多造型的一個MV，「MV入面我係飾演一個精神分裂者，咁多個造型入面，我自己最鍾意殺手造型，因為我一直都好想做一啲類似殺手或者變態嘅角色，所以今次終於喺MV入面可以過吓戲癮。同埋成個造型同我都好大嘅反差，最深刻係呢個造型。」除此之外，這次新歌亦加插了不少舞蹈，對於有「跳舞困難症」的Vincy來說，亦是一大挑戰，「所以我花咗好多extra嘅時間同埋心血去跳，加上今次擺咗好多自己意見喺跳舞嘅style，仲有同排舞師好緊密咁合作，去create呢一隻我自己想要跳嘅舞種。」