呼籲給年輕電影人機會 杜琪峯：未夠成熟也不要踩

香港文匯報訊（記者 阿祖）寰亞電影《七人樂隊》日前舉行了電影特別場，不少影迷聞風而至，門票火速掃清，原因是映後還有分享會，由洪金寶、袁和平（八爺）和杜琪峯（杜Sir）三位導演跟約三百位影迷分享拍攝趣事和解答影迷提問，為紀念這特別場次，電影公司更送每位買票入場觀眾《七人樂隊》的電影菲林留念，非常珍貴。完場時不少影迷包圍他們合照，場面熱鬧。

分享會上杜Sir被影迷問，誰是他第一位邀請合作的導演？他說：「都估唔到搵大家嘅時候，大家都一口答應，我覺得好榮幸。我第一個搵林嶺東（已故），四十幾年朋友，接近半個世紀……」此時現場幾乎每支咪高峰都發出低頻怪聲，杜Sir笑說：「唔好亂講嘢，總之係佢啦！」即時觀眾以笑聲回應。對於選用新演員，杜Sir說：「我唔想成日俾人話我拍戲都係用嗰幾個主要演員，應該要改變吓自己，拍年輕人希望鼓勵佢哋，香港需要新人。當佢哋有啲成就，唔好踩！係，佢哋可能未夠成熟、未得，但唔好踩。無論新導演或演員，應該畀多啲機會。我哋𡃁仔出嚟嘅時候都一樣被人話唔得，邊個知道得唔得？如果無機會就一定唔得。」

有觀眾質疑徐克導演的章節《深度對話》離題，洪金寶導演幽默回應：「我好欣賞徐克導演嗰個故事，因為好似𠵱家個社會咁九唔搭八！徐克，好嘢！」全場報以掌聲和笑聲，身旁的八爺和杜Sir都點點頭。被問到為何選兒子洪天明演其師傅于占元？洪金寶導演笑說：「佢似佢老竇！哈，其實佢外形有啲似（于師傅），但霸氣就唔及我！佢（洪天明）好操控嘛，唔聽話我可以揼佢。𠵱家教細路都唔可以打，我師傅好彩，如果佢喺現代教細路，坐監坐到𠵱家都未放返出嚟！」全場爆笑。

八爺感嘆香港缺武打演員

對於為何近年香港動作電影買少見少？著名動作指導及導演八爺感嘆香港武打演員後繼無人，他說：「好似甄子丹、吳京喺國外學武，再喺內地武術隊受訓，然後我就去用佢哋。武打演員要好長時間栽培出嚟，例如子丹做到差唔多盡，我又要去揀人，但係無人。所以武打片、功夫片嘅前景比較艱辛。」