請張敬軒做個唱嘉賓 馮允謙收穫珍貴名錶

香港文匯報訊（記者 梁靜儀）馮允謙（Jay）一連四場的《Have a JAY Time 2022演唱會》，前晚在五度安歌下圓滿落幕，全場更高舉「下次紅館見」手幅搞驚喜。

早前Jay擔任張敬軒紅館個唱嘉賓時，給軒仔兩張手繪門票，前晚輪到軒仔做Jay的尾場個唱嘉賓，軒仔笑言未能憑票入場，可能是戴了口罩，二人合唱《愛斯基摩人之吻》後，軒仔指二人相識超過10年，曾有一段短時間是同門。軒仔更送上絕版名錶給Jay留念，說：「唔知幾時開演唱會要送禮物啦！見佢咁暴露應該補下身，諗過送食物但我都無得食！諗唔到送乜，於是我打開夾萬，08年我首次踏足紅館，之後出糧，人生第一次收到咁大份收入，所以買咗一隻好出名嘅手錶送畀自己，今晚我決定送呢隻手錶畀你。」軒仔又親自為Jay戴上，並說：「希望你唔好介意係二手，呢隻手錶陪伴我開過好多場演唱會，每次綵排都會戴住佢，當時有一段好長嘅時間，呢隻手錶係我人生最貴嘅手錶。」他並語重心長：「希望藉着呢隻手錶話你知，我哋呢行好現實，長江後浪推前浪，珍惜時間，把握機會，我哋紅館見！」Jay感動得攬實軒仔，說：「我一定會加油！」Jay送上一個會響的金色球體給軒仔。

Jay在完騷後接受訪問，談到軒仔做嘉賓兼送名錶，他笑言從未收過如此貴重的名錶，驚訝軒仔如此錫他，不知道如何報答，說罷他即場戴上名錶展示一番，又笑言未必會戴，可能放進夾萬保存。說到將來可在紅館開騷時佩戴？他笑說：「上紅館一定戴，公司有計劃入紙紅館，希望好快有結果。」講到女友未現身支持，Jay表示不敢嬲女友，但笑言會嬲孖生弟弟，因他去旅行也不來支持他演出。