香港文匯報訊（記者 梁靜儀）汪明荃（阿姐）、阮兆祥（祥仔）、馮盈盈、袁偉豪、宋宛穎、楊潮凱、戴耀明及蘇韻姿等，前晚到將軍澳電視城出席《好聲好戲》第二季錄影拜神儀式，節目由祥仔與馮盈盈擔任主持，汪阿姐則「冧莊」再做主席評判之一。馮盈盈目前已有3個綜藝節目在手，也藉此打破她「被雪藏」的傳聞。

剛由澳門表演返港的阿姐，對於首次在當地接受隔離生活，比想像中容易度過：「可能心中有數知會隔離幾多日，自我做咗調節，否則會好忟，同埋後來又放寬咗政策，減咗7日， 隔離28日好夠喇。」阿姐又透露在酒店隔離期間很忙，連電視都沒有開過，都是練歌，因為12月有演出，帶了粵劇劇本去睇，還有踩健身單車及夜晚要洗衫。問到可有掛住老公羅家英？阿姐笑說：「少少啦，佢去咗新加坡探親同玩，已經返咗嚟嘞，佢話早知唔使隔離咁耐都去澳門，我哋每晚都有通電話。」阿姐表示返港後有很多工作，又要做回歸節目，短期內都不會再離港。

澄清賴慰玲因拍劇撞期

上一輯做參賽者的馮盈盈，今輯則擔任主持，她表示因監製讚她第一輯打入最後三甲表現良好，故今輯可以過來人身份分享經驗及感受，盈盈又說：「節目最好睇係評判不留情面，對參賽者嘅批評一針見血，咁我可以用過來人嘅身份去潤飾件事。」她坦言當時自己有被打擊自信心，首日拍攝已受衝擊，非常緊張，因為甩嘴也沒機會再來。問到她可擔心被拿來與首輯主持賴慰玲比較？她笑說：「大家角色功能唔同，我最大特色係分享經驗，而演藝學院出身的賴慰玲則分享演戲。」說到她踢走賴慰玲，祥仔就解釋因賴慰玲拍劇做女一，劇組度不到期放人，但都希望她同陳自瑤可以做壓軸嘉賓。

現時有3個綜藝節目拍攝中的盈盈，對上一套出街劇集是《智能愛人》，笑問她是否仍未「解凍」？她即說：「如果有3個節目都叫被『雪』，似乎唔合乎事實，（有冇戲癮？）今次做主持絕對滿足到我，因為有好多專業配音員、監製同資深演員在場指導，完全學到嘢。」剛過了生日的盈盈又表示，早她兩日生日的宋宛穎特意買蛋糕為她補祝生日，令她十分感動。

袁偉豪學配音接受批評

袁偉豪表示今次做參賽者，並直言自己表現很差：「我今次想放低身段由零開始去學習，頭先錄影咗一部分，演出係差又有甩漏，評語不留情面都要接受，好似好難受，但係一個重新考驗，希望有日能配到動畫或者卡通片，更希望可以像上一季冠軍陳自瑤一樣，勝出後接到不少工作。

宋宛穎表示會做旁聽生及負責打氣，之後亦可能會上台。本月8日生日的她，談到生日願望，她說：「希望多啲工作，身體健康、疫情快過。」新一屆港姐面試已進行得如火如荼，宋宛穎慨嘆時間過得快，卸任都會感不捨，但亦有留意參選佳麗，覺得質素都不俗，希望有機會可以跟她們交流。