香港文匯報訊（記者 梁靜儀）何依婷入行4年，近年不論是劇集、大騷司儀、綜藝節目，以至兒童節目均見到她的蹤影，受重用程度可見一斑，今年她更在台慶劇《十月初五的月光》中首次擔正女一，飾演經典角色「祝君好」。何依婷直言就算演得多好都不可能超越當年的佘詩曼，與其令自己增添壓力，她只想做好本分。

何依婷（Regina）於2017年參選港姐，最終以大熱姿態奪得亞軍，當年志願是成為出色藝人的她，卸任後順理成章留在娛樂圈幕前發展，先後擔任多個大騷司儀，又獲安排主持兒童節目、綜藝節目，直至去年在劇集《機場特警》內飾演港女網紅「李至安」一角，演出受到觀眾關注，今年她更先後在兩齣台慶劇《星空下的仁醫》以及《十月初五的月光》中演出要角，演藝事業可謂平步青雲。

Regina在《十》劇中首次擔正女一，更同時要一人分飾三角，包括祝君好、君好母親及君好姨姨的年輕版，又會與分別飾演「文初」的胡鴻鈞（Hubert）和「司徒禮信」的羅天宇展開一段三角戀，演技備受考驗。

刻意不翻睇阿佘版本

今次Regina飾演的新版君好，是個性格善良、活潑可愛又帶點任性的女仔，雖然沒有父母，但有初哥哥在身邊，有如幸福小公主，角色討好。重演經典角色，加上阿佘珠玉在前，觀眾比較是少不免的，Regina明知不能超越對方，故一心只想做好角色，沒有想太多，她說：「我個人諗得比較簡單、直接，知道自己演個咁重要嘅角色，我做好多功課，唔希望令監製及交呢個角色畀我嘅人失望，只係想做好件事，所以變咗冇乜壓力。」她承認小時候有睇過阿佘版本的《十月初五的月光》，但沒有太大印象，當初知道要飾演君好，她亦刻意不去翻睇：「我怕睇完會不知不覺間演得太似阿佘，同埋就算演得似，都冇辦法做得好過對方，希望用一個新角度，去演一個新嘅君好，等觀眾有新體會。」Regina透露事前有睇韓劇《鬼怪》女主角金高銀的角色作參考，覺得她天真可愛跟君好角色有點相似，至於演君好母親及君好姨姨的年輕版，Regina反而有點頭痛，因為一個性格溫柔，另一個就極度巴渣，她覺得後者很難演得好，因要夠兇狠，由眼神開始到說話語速，都要很用力，每次拍完都會體力透支。

面對負評已百毒不侵

初次夥拍Hubert拍劇，Regina表示之前已在對方的歌曲《最難忘一天》MV中合作，她大讚Hubert很好，幫助她入戲：「因為初哥哥係靠做手語溝通，但Hubert好好，有時唔係影佢大頭，佢都企喺原位做手語等我入戲。」至於羅天宇，Regina稱對方比自己更慢熱，就連監製都看不過眼：「監製叫我撩天宇傾偈說話，因為監製知佢把口撬唔開，對佢冇希望，就交個重任畀我，要我撬開天宇把口，每次一見到天宇就吊高把聲嗌『天宇』，最初佢聽到就會走開，後來熟絡啲至傾多兩句。」

Regina出道以來總予人斯文的印象，她自爆其實是雙面人：「我喺唔熟嘅人面前可以好斯文、好靜，但喺相熟嘅人面前，我就會好跳脫，好似傻咗一樣，其實我由細到大都係活潑跳脫型。」她指入行後個人變得開心了，可能跟對很多事物都抱「佛系」心態有關：「入行後個人成熟咗，睇淡好多嘢，知道好多機會唔係自己可以控制到，唔係想做就可以做到，都要睇天時、地利、人和，自己只可以做好自己，做所有事情都盡全力、問心無愧，會諗少好多，人都開心好多。」她坦言如今已練到有「金剛罩」護身，面對負面的批評已百毒不侵，當然善意的批評她會接受，會努力再做好，相信總有一日別人可以看到她的努力。

至於她有份入圍提名《萬千星輝頒獎典禮2021》角逐「飛躍進步女藝員」，今年的呼聲比去年更高，「佛系」的Regina卻不敢抱太大希望：「獎項真係浮雲，有好多因素，舊年我仲打入五強，我個心態係攞唔攞到獎都要繼續努力，同埋主要唔想希望越大，失望就越大，唔諗就冇嘢。」