香港文匯報訊（記者 梁靜儀）胡鴻鈞（Hubert）、羅天宇、何依婷、林穎彤、海俊傑、康華、蔚雨芯、伍富橋等，昨日到將軍澳電視城出席《十月初五的月光》「聽·你不斷呼叫我」宣傳活動，席上監製陳志江宣布第一集七天跨平台總收視為23.5點。

劇中Hubert和天宇大玩「HeHe情」，而觀眾亦甚為受落，天宇笑指Hubert第一日見到他已很熱情。Hubert自言向來很喜歡將內斂的人變得火熱，拍攝時都專登撩天宇。說罷又問天宇是否享受？天宇就笑說：「Enjoy！我都未試過同男人有咁多身體接觸，由腳到背脊都好緊貼， 不過有佢喺度，氣氛真係好好多。」Hubert又指真實的天宇其實是好幽默的。

胡鴻鈞盼觀眾給耐性看戲肉

談到劇集播出至今，外界似乎負評較多，Hubert稱明白以觀眾角度，頭五六集還未到戲肉，之後的情節會好好睇，希望大家給多點耐性。對於網民拿他跟張智霖版本「初哥哥」作比較，Hubert稱不會有壓力，又稱接拍前已知無得比較，因張智霖永遠是經典。談到他的對手何依婷被批聲線太高音吵耳？Hubert就力撐說：「我又唔覺，只係角色同情節需要，依婷好勤力，唔使埋位就睇劇本。」

飾演君好的何依婷，對於劇集播出一星期以來的批評，她表示未有刻意去睇觀眾留言，明白有人鍾意亦有人不鍾意都是正常。說到網民嫌她的聲線太高音吵耳？何依婷亦覺有此問題：「我自己睇返都覺得有少少，之後同監製講君好唔使咁高音，之後啲聲線壓沉咗，希望大家畀機會我。（好大壓力？ ）拍劇嘅時候冇壓力，問心無愧，不過對自己要求高，劇集播出後開始有壓力，原來大家關注我把聲線同演技，我會落多啲苦功，希望大家畀啲空間我。」

另外，有報道指她近日生活富泰，經常出入名店外，又搬屋和駕駛50萬名車，對此何依婷解釋：「架車係二手車，講過好多次，不過真係好難令人明白，啲人話我唔使做，其實嗰日去完Salon整頭，之後仲要做嘢，話我出入名店？我只係行吓街，都冇買嘢。（搬屋呢？ ）多謝大家都關心我住喺邊，現階段我冇錢買樓，嗰度都係租嘅，影響到家人同埋朋友有少少內疚，冇盡力去保護佢哋，希望大家關注我嘅工作。」