香港文匯報訊（記者 梁靜儀）張敬軒前晚於《星光熠熠耀保良》壓軸出場，近日忙於宣傳演唱會Blu-ray碟及為跨年演唱會準備的他，透露近日因15歲的哥基愛犬「妹妹」患病而不時出入寵物醫院，更坦言情況不樂觀：「前日去寵物醫院抽肺積水，雖然之後穩定啲，但醫生話佢係向嗰個（死亡）方向發展，唔好要佢咁辛苦，因為要篤支針入肺，見佢又好辛苦，我有同佢講『如果太辛苦，唔好唔捨得我，就走啦。』好在妹妹都叫做眼仔睩睩，醫生都會用盡一切方法等佢舒服啲。」

軒仔又指近日每次出外工作都歸心似箭，離家前又會內心煎熬，要留意住愛犬狀況，他說：「醫生都建議我帶『妹妹』返屋企，可以多些時間陪佢，同埋住2、3日院要成9萬幾蚊，睇獸醫係貴過睇人嘅醫生，所以我會好珍惜這段時間，都會休息陪佢，同埋只要我有一日返工，我都應該唔會再養動物。」

應屆香港小姐冠軍宋宛穎、亞軍梁凱晴、季軍及友誼小姐邵初首次參與該節目。宋宛穎表示今年會做慈善工作為主，之後就會做一個新年綜藝節目司儀， 問到她家中可有擺風水陣？她說：「本身都有睇少少，有擺風水陣，但唔係為得獎，係為健康同學業，（求愛情？）冇諗。」

邵初表示近日拍綜藝節目《識貨2直播營銷學堂》，和陳敏之拍檔賣寵物藥妝，問到可有賣出？她笑說：「初時好開心賣出貨，但原來係臨記。」她又自言口才雖不俗，但在街頭賣東西都是個挑戰。梁凱晴則透露之前有去面試，為之後拍劇作準備，並打算找老師學唱歌。