香港文匯報訊（記者 梁靜儀）馬德鐘、唐詩詠、楊明、鮑起靜及關禮傑等演出的《我家無難事》，今晚播映大結局，前晚劇情講到郭忠石（關禮傑飾）與郭得勤（馬德鐘飾）、郭得寶（車婉婉飾）及郭得明反目，並疑似與豬皮聯手進行毒品交易，忠石將身陷槍戰，其「正邪」身份依然是個謎，不過「心水清」網民認為忠石沒有變奸，只是為了報仇化身「無間道」；而據知忠石確實未有黑化，背後更隱藏着極大苦衷。
監製王心慰（Amy姐）亦笑言：「忠石係好人嚟，但我唔講咁多，我自己覺得大結局好多感人位。」Amy姐又大讚關禮傑愈拍愈弗：「之前同佢合作已覺得佢好弗，今次再合作亦見佢愈拍愈弗。其實最後十日我會用好『甘』形容佢，除咗好多動作場面，情緒變化亦相當多，有憤怒、壓抑、悲傷、絕望同感動，全部都係好消耗體力嘅場口，但佢都應付得好好，我好佩服。」關禮傑亦表示十分喜歡忠石這個角色，為了應付連場打戲，更下了不少功夫：「喺每個通告之前，我會早啲起身拉筋；譬如朝早六點通告，我會四點起身拉筋，做好熱身；而喺返公司期間，我會做開聲訓練，等拍劇時講對白好啲。」
評論