香港文匯報訊（記者 李思穎）陳婉婷（ Hebe）日前為直播平台拍攝廣告，當日掛起風球加上連場大雨，過程相當狼狽，Hebe由頭濕到落腳如像「落湯雞」，她笑指充滿「出水芙蓉」的美感：「其實大會都有召車接我，但行去上車都搞到濕晒，攝一攝冷氣即刻頭痛！去到現場攝影師都話我似『癲婆』，由內到外都濕到滴出水，濕身影相真係好辛苦，好在大家都夠專業好快收工。」

她續指早已習慣打風開工，所以被父母罵「唔夠錫身」：「以前試過拍廠景由掛風球到落波都未拍晒，今次廣告期都好趕，如果押後都唔知幾時可以集齊咁多人再影，所以都要開工！加上近來我忙緊電影同電視劇，係開心嘅忙碌，所以唔想浪費呢一日檔期，今朝我都把握時間開Live同網友見見面先出門口，突然多咗好多唔同國籍的粉絲，特別係英美、東南亞嘅朋友，原來之前拍嘅廣告在當地刊登咗，所以努力係有回報，更加唔可以畀自己停落嚟。」