香港文匯報訊（記者 梁靜儀）林作與女友裕美昨日為香港開電視全新節目《世界零食開倉戰》擔任嘉賓及錄影，裕美表示愛吃零食，而男友林作則聽阿媽話，從小到大都不吃零食，反而同裕美一起後才吃橡皮糖。說到橡皮糖，裕美就投訴當日林作追求她時，很捨得買70、80元一包的橡皮糖給她，現時追到了就只買5元一包的糖給她。

林作被問到如何運用之前在拳賽中獲得的酬金？他說：「換咗屋企個花灑頭，同埋幫兩部車換冷氣，花咗成7萬蚊。」裕美就冷冷地說：「關我咩事？都冇請我食飯。」再問到林作可有獎勵女友？他說：「我每個月定期支出好大，裕美又買多咗隻狗，屋企現在有4隻狗，又一齊瞓，床上床下大戰，令我生活好唔安寧，自己冇地位，地位極度低微，所以盡量唔留喺屋企。」說罷又扮作跟裕美生疏說：「你別來無恙嗎？」

問到裕美想男友送她什麼時，她卻稱只想收回入油錢：「畀返入油錢我就算，之前車佢（指男友）準備比賽，每兩、三日入一次油，每次成千蚊。」林作亦認數，但表示數目不大，之後又指近日屋企很多東西要換，笑問到可要換女友？他笑說：「我哋現在似生意拍檔多過似情侶，都係簽吓股份、合約。（幾時簽婚書？）我冇諗過生仔，冇考慮結婚。」至於裕美就趁機大踩男友說：「我想嫁畀個靚仔，想搵個似金城武，不過好難。（叫男友執一執外表？）佢冇得執，冇得救。 」