香港文匯報訊（記者 梁靜儀）滕麗名（阿滕）、劉丹、呂慧儀及謝嘉怡等，昨日出席處境劇《愛·回家之開心速遞》之「人月兩團圓」宣傳活動。阿滕雖然不欲再多提前度魏駿傑，但也鼓勵對方要正面面對人生，好好照顧女兒。

阿滕表示中秋節要開工，收工後便回家跟老公及朋友一同慶祝，她笑說：「每年中秋我都一定要老公買四黃白蓮蓉月餅畀我食，我又會安排朋友買個兔仔燈籠送畀我，（你負責什麼？）我負責食同玩。」提到中秋的難忘事，阿滕回想起小時跟表妹一同玩燈籠，表妹不小心將燈籠燒着，整隻手臂都被燒傷， 更要穿壓力衣，自此她玩燈籠都會提高警覺。

提到她的舊愛魏駿傑日前接受訪問時，自爆曾有輕生念頭，有備而來的阿滕帶笑說：「所以撒瑪利亞防止自殺會真係好緊要，（可覺得魏駿傑目前的情況好慘？）人生總有高低潮， 希望佢好好照顧個女，小朋友嘅成長好緊要，係大人製造個環境出嚟，（你會唔會去睇魏駿傑演出既舞台劇？）唔知自己有冇檔期，祝佢演出成功。」對於魏駿傑表示當年北上發展作逃避，是因她越來越紅，覺得自己配不上她？阿滕說：「 唔係，佢當年個經理人都係我介紹畀佢。」 阿滕不欲再多提前度：「唔好再講啦，費事畀人話我消費佢。」說到魏駿傑知道她目前婚姻狀況相當幸福亦送上祝福，阿滕以一句「多謝」作回應。

劉丹帶小糯米玩燈籠

劉丹（丹爺）和呂慧儀都表示收工後便回家跟家人一同慶祝中秋。丹爺表示會帶孫女小糯米和她的同學一同去玩燈籠。問到丹爺兒子劉愷威會否返港一同慶祝佳節？丹爺指兒子目前在內地工作，未能回港過節，但每日兩父女都會用視像溝通。呂慧儀早前提到希望兒子和丹爺孫女結識，可是至今未有機會，呂慧儀笑說：「如果丹爺同孫女去賞月，可唔可以帶埋蟹籽去？」