英皇網上選秀5強誕生 古巨基被參賽者感動落淚

香港文匯報訊（記者 李思穎）由英皇《冤枉娛樂》主辦的網上選秀節目《冤枉新秀訓練營》日前舉行11強終極淘汰賽，大會請來多位星級評判有森美、古巨基（基仔）、周勵淇（Niki）、泳兒（Vincy）及陳家樂，他們會根據一眾學員的表現選出終極5強，冠軍則由網民一人一票於最後5強人選中選出。

參賽者之一林俊傑（Jeff）出場，評判們一致認為Jeff有型靚仔，但卻選錯歌曲《命案》，Vincy說：「可惜你一開口唱歌有少少幻滅咗，係音準問題，你要再去改進，唔好嘥咗你個靚仔樣。」

接着黎展峯（Andy）演唱《井》，基仔及家樂對他的表現讚嘆：「你有一個天生好聲音，由底層開始，然後情緒爆上去的遞增做得好，惜臨尾有粒音有點失誤。」家樂表示贊同：「一開口已經好有狀態，我直頭『起雞皮』，成個表演我好鍾意。」及後出場的劉若寶（Polly）則是唯一一位以戲劇加歌曲作為比賽項目的學員，表演期間，基仔及Niki均忍不住眼濕濕，基仔點評時更一度哽咽，「我感受好大的就係因為我做咗爸爸，令到我好有啟發，要珍惜身邊家人、愛人。你最犀利是係咁短時間你可以講出一個令人動人的故事！」Niki則說：「我作為一演員，喊戲其實唔係好難，我覺得感動到人先係最難，帶動到我的情緒，令我諗返起我爸爸，恭喜你好成功。」

年紀最小僅17歲的黃明德（Dark）選擇跟哥哥以結他自彈自唱《Photograph》，演唱過後，獲得基仔大為讚賞。11位學員表演過後，最後選出黃明德（Dark）、劉若寶（Polly）、黎展峯（Andy）、鄧灝朗（Adam）及易明揮（Tachi）為最後5強。