重返TVB主理新遊戲節目 李思捷樂見電視台良性競爭

香港文匯報訊（記者 梁靜儀）李思捷昨日現身將軍澳電視城為身兼監製與主持的遊戲節目《思家大戰》進行拜神儀式及錄影，首集嘉賓包括王馨平、Joe Junior、湯怡、泳兒、陳家樂及吳浩康等。思捷回巢主理新節目，他否認是為收視打仗，認為電視台間有競爭才健康：「一個台玩晒邊好玩。」

相隔3年重返無綫的思捷，表示對上一個工作要數到2019年的劇集《她她她的少女時代》，之後他主要忙於自己製作節目及做音樂。他開心表示入行一直有兩個願望， 如今都已做到了：「自己入行一直有兩個願望，第一個《今晚睇李》之前已經做咗，同埋主持呢個遊戲節目，因為《Family Feud》呢個遊戲節目已經有45年歷史，我10歲已經開始睇，對呢個遊戲已經好熟，有75個國家已經做過，但係香港一直冇人買《Family Feud》版權嚟做， 今次終於買到呢個版權嚟做好開心。」

5年前已推薦此節目

思捷透露節目總共會送出100萬獎金獎品，每集勝出終極遊戲大獎的一隊可獲5萬元獎金獎品。問到回巢主持節目是否為收視打仗？他說：「唔係打仗，有競爭先好玩，一個台玩晒邊好玩，咁樣先健康，有人講吓都好， 呢個世界冇話贏定輸，成功值得驕傲，唔得就再嚟過。」

首集將於本月29號晚播出，問他對收視可有信心？思捷說：「做到最好就夠，做完我可以昂起頭行得出個門口，收視得唔得就睇天時、地利、人和，我做節目監製，節目係我BB，我會養到肥肥白白出街。（曾志偉搵你返嚟做？）係，其實5年前我已經推薦過呢個節目，不過就算5年前志偉喺度都未必做到，因時代唔同。」

湯怡復出積極搵奶粉錢

產後復出的湯怡聯同同門泳兒、吳浩康、陳家樂及曾樂彤一起擔任節目嘉賓。她表示生完女兒已兩個月，但體重距離目標還差8磅，不過很開心終於可以出關。她開工時，奶奶會幫手湊女。雖然她不想錯過女兒成長階段，但都要搵奶粉錢。問到可有人找她和女兒拍廣告？湯怡說：「我唔抗拒，想個女吸收多啲，最重要係個女唔怕醜，因為自己細個乜都驚。」

湯怡又自爆坐月期間有少少精神緊張，有時老公麥秋成返到屋企都要他全身消毒及沖完涼才可以掂個女，並承認受荷爾蒙影響，曾向老公發脾氣，幸好老公都好體諒她，亦有幫手湊女。