香港文匯報訊（記者 梁靜儀）菊梓喬（Hana）昨日到灣仔會展出席《不能放手》簽名會，吸引逾百粉絲到場。戴上口罩受訪的Hana笑言以為人多地方沒機會除罩，故只化了半妝，下次定會扮靚些才見粉絲。

久未與粉絲近距離接觸的Hana，表示從去年10月至今，一直未有機會公開與粉絲見面，為此都感到不開心，因以前是每星期都見，不過昨日見到粉絲拿住keep了近一年的唱碟前來索取簽名感到很開心。

提到她近日在社交平台發文表示遭恐嚇，又留言：「傻。變態。恐嚇。我係唔會怕你的。」但之後又刪文。Hana解釋：「其實係小事，但自己有情緒波動，同埋對方一直以唔同賬號騷擾。（會否怕遇襲？）都有啲毛管戙，刪文係為粉絲着想，唔希望小粉絲睇到被嚇親。（被對方攻擊指齙牙？）我唔會因為咁而心理受傷，對於外貌我唔會太在意。」

談到工作，Hana表示正籌備新歌，今次會與新班底合作，稍後就會錄音。對於首次有份演出的劇集《刑偵日記》收視未如理想，但有傳會繼續開拍新一輯？Hana即反問：「有冇我份㗎？」她坦言希望能有機會繼續參演，因身邊很多朋友都有談論這套劇，自己仍陶醉在演出中。對於收視未如理想，Hana指都沒辦法，因為大家要睇奧運，但不會為此感失望。問到會否對拍劇失信心？她笑說：「唔會，我今次演變態殺手，但我咩都冇做過出來，我想演落手殺人的角色，雖然我好斯文，但我唔介意做戲做啲唔斯文的角色。」